Pages

Friday, September 24, 2010

“အမြောက်နဲ့များပစ်ပြီး စားမလားမသိဘူး”

တစ်ခါက မြန်မာပြည်အထက်အပိုင်းတွင် ရွာသာရွာဟုအမည်ရသော ရွာကလေးတစ်ရွာရှိလေသည်။ ထိုရွာတွင် ဘုန်းတော်ကြီးကျောင်းတစ်ကျောင်းရှိလေသည်။ ရွာ၏ အမည်ကို အစွဲပြုကာ ထိုဘုန်းတော်ကြီးကျောင်းကိုလည်း ရွာသာကျောင်းဟုအမည်ပေးကြလေသည်။ထိုကျောင်း၏ဓလေ့အရကိုရင်+ကျောင်းသားများသည်ကိုးနာရီထိုးလျှင် ဆွမ်းခံသွားကြရသည်။ဆယ်နာရီထိုးလျှင်ကျောင်းပြန်ရောက်ကြသည်။မိနစ်သုံးဆယ်ခန့်ခေတ္တခဏနားကြရသည်။ ဆယ်နာရီခွဲလျှင်ကား မြတ်စွာဘုရားအား ဆွမ်းတော်ကပ်ရန်အတွက်လည်းကောင်း ဆရာတော်အား ဆွမ်းကပ် ရန်အတွက်လည်းကောင်း ပြင်ဆင်ကြရသည်။ ဆယ်နာရီလေးဆယ့်ငါးမိနစ်တွင်ကား မြတ်စွာဘုရားအား ဆွမ်း တော်ကပ်ကြသည်။ ဆွမ်းတော်ကပ်ဆိုရိုးသည်ကား (၁၅)မိနစ်အကိုက်ပင်ဖြစ်သည်။ ပြီးသည်နှင့် ဆယ့်တစ်နာရီ ထိုးသည်။ ထို့နောက် ကြေးမောင်းခေါက်သည်။ ခေါင်းလောင်းထိုးသည်။ ကြေးမောင်းခေါက်+ခေါင်းလောင်း ထိုးခြင်း၏ အဓိပ္ပာယ်သည်ကား အရပ်လေးမျက်နှာတွင် ရှိကြသော ပုဂ္ဂိုလ်အပေါင်းတို့အား ကျောင်းမှ ပြုလုပ် လိုက်သော ကုသိုလ်၏ အဖို့ဘာဂကို ရကြစေရန်အလို့ငှာ အမျှဝေလိုက်ခြင်းဖြစ်သည်။ နောက်ရည်ရွယ်ချက် သည်ကား ကျောင်းအတွင်းရှိ သံဃာတော်များကို ဆွမ်းဘုဉ်းပေးရန်အလို့ငှာ ခေါင်းလောင်းတီးပြီး ပင့်လိုက်ခြင်း ပင်ဖြစ်သည်။ သံဃာတော်များသည် ဆွမ်းဘုဉ်းပေးတော့ဟူသော အဓိပ္ပာယ်ကိုလည်းဆောင်ပေး၏။ တစ်နေ့ ထိုသို့ ရွာဦးကျောင်းမှ ကြေးမောင်းခေါက်+ခေါင်းလောင်းထိုးသံကို ကြားရသောအခါ အခြားအရပ်မှ အသက်ကြီးကြီး လူစိမ်းတစ်ယောက်က
“ခင်းဗျားတို့ရွာက နေ့ခင်းကြောင်တောင်ကြီး ကြေးမောင်းတွေခေါက်၊ ကြေးစည်တွေတီး၊ ခေါင်းလောင်းတွေ ခေါက်နဲ့ ဘာလုပ်မလို့လဲဗျ”ဟု မေးသောအခါ ရွာမှ ကြေးမောင်းခေါက်ခြင်းစသည်တို့၏ အဓိပ္ပာယ်ကို အတိ အကျမသိသော ကိုလူလည် မောင်ကျော်မင်းကြည်က
“ဘကြီးကလဲ အဲဒါဘုန်းကြီးတွေ ဆွမ်းစားတော့မယ်ဆိုတဲ့ အကြောင်းကို သိစေရန်အချက်ပေးတာလေဗျ”ဟု ဖြေကြားလိုက်လေသည်။ ထိုအခါ အသက်ကြီးကြီးဒါယကာကြီးက
“အွန်း မောင်ရင်တို့ရွာက ဘုန်းကြီးကလဲ သူများလှူတဲ့ ဆွမ်းကို စားတာတောင် မောင်းခေါက်၊ကြေငြာပြီး စားလိုက်သေးတယ်၊ကိုယ်တိုင်အလုပ်လုပ်လို့ ကိုယ်တိုင်ရှာလို့ရလာတဲ့ ဆွမ်းကိုသာစားရလို့ကတော့ အမြောက် နဲ့ပစ်ပြီးတောင် စားလောက်တယ်ငါ့တူရေ၊ မင်းတို့ဘုန်းကြီးကတော့ ကြွားချက်ကတော့ သန်ပါပေ”ဟု ပြောကာ ထွက်သွားလေတော့သတည်း။ ကွမ်းယာရောင်း သမား လေးမောင်ကျော်မင်းကြည်တစ်ယောက်တော့ အတွေး တစ်ခုနဲ့ ကျန်ရစ်လေတော့သည်။ သူ၏အတွေးသည်ကား
“ဒီဘကြီးနယ် ပေါက်ပေါက်ရှာရှာပြောတတ်ပါပေ့”ဟူ၍ပင်ဖြစ်သတည်း။ မိမိအတွေးဝင်မိသည်ကား
“ဒီဒကာကြီးပြောလိုက်ပုံကတော့ သံဃာတော်များသည်ပင် ခေါင်းလောင်းထိုးပြီး ဆွမ်းမစားရဲအောင်ပင် ဖြစ် နေပြီ”ဟူသည်ပင်ဖြစ်သတည်း။

Thursday, September 16, 2010

“နွားမ နွားမ နွားမ ယူတော်မူကြပါကုန်လော့”

တစ်ခါက ရွာတစ်ရွာတွင် အလွန်အင်မတန်မှ ဆင်းရဲသော ဒါယကာတစ်ယောက်ရှိလေသည်။ သူ၏ အမည်မှာ ကိုသောင်းရွှေဖြစ်သည်။ ကိုသောင်းရွှေသည် အလွန်ဆင်းရဲသည်။ ငယ်ငယ်ရွယ်ရွယ်နှင့်ပင် မိန်းမဆုံးပါးသွားသ ဖြင့် မုဆိုးဘ်ိုတစ်ယောက်ဖြစ်နေလေသည်။သားများ သည်ပင် အရွယ်ရောက်နေပြီးဖြစ်သည်။ သားများကိုရှင်ပြု လိုသော်လည်း လက်ထဲတွင်ငွေကမရှိ။ သို့သော် အိမ်တွင် နို့စားနွားမလေးတစ်ကောင်ရှိလေသည်။ ထိုအဖြစ်ကို သိသော သူငယ်ချင်းများက
“မင်းကလဲကွာ မင်းမှာ နို့စားနွားမလေးတစ်ကောင်ရှိတာ၊ အဲဒါလေးရောင်းပြီးသားတွေကို ရှင်ပြုပေးလိုက်ပေါ့ကွ” ဟု အကြံပေးကြလေသည်။ ထို့သို့ အကြံပေးသဖြင့် ထိုဒါယကာသည်ပင်
“နွားမလေးကို ရောင်းပြီး သားတွေကို ရှင်ပြုပေးရရင်ကောင်းမလား၊ အော် ဒါလေးရောင်းပြန်လျှင်လည်း ငါ့တို့ မိသားစုအတွက် စားစရာမရှိတော့ပြီ၊ အွန်း ဘယ်လိုလုပ်ရရင်ကောင်းမလဲ”ဟု စဉ်းစားခန်းပင် ၀င်နေတော့ သည်။ အဆုံးတွင် ကိုသောင်းရွှေဆုံးဖြတ်ချက်ချလိုက်သည်ကား
“အို ဘာပဲဖြစ်ဖြစ် တစ်သက်မှာ တစ်ခါသာ ပြုရခဲဖြစ်တဲ့ သားရှင်ပြုခြင်းကိစ္စကို နွားမလေးကို ရောင်းပြီး ပြုတော့ မည်”ဟု ဆုံးဖြတ်ချက်ချကာ နွားမလေးကို ရောင်းလိုက်လေသည်။ ကိုသောင်းရွှေသည် နွားမလေးကို ရောင်းသာ ရောင်းလိုက်ရသည်။ စိတ်ကားမကောင်းလှချေ။ အကြောင်းသော်ကား ထိုနွားမလေးသည် တစ်သက်လုံးသူတို့ မိသားစုကို လုပ်ကျွေးခဲ့သောကြောင့်ပေတည်း။ အလှူမင်္ဂလာပြုလုပ်သော နေ့တွင် ရွာသူရွာသားများ၊ သားဖြစ် သူများကတော့ အလွန်ပင်ပျော်နေကြသည်။ ဒါယကာတော်ကိုသောင်းရွှေသည်ကား အလျှူပွဲအတွက် နွားမ လေးကို ရောင်းလိုက်ရသည့်အတွက် စိတ်မပျော်ရွှင်နိုင်ပါ။ရေစက်ချ တရားနာချိန်ရောက်ပါပြီ၊ ဆရာတော်ကြီး သည် အလှူဒါယကာ ကိုသောင်းရွှေတစ်ယောက် ၀မ်းမြောက်ဝမ်းသာဖြစ်စေရန်အလို့ငှာ တရားကို အစွမ်းကို ဟောပေးနေပါသည်။ သို့သော် ကိုသောင်းရွှေတစ်ယောက်၏ စိတ်သည်ကား ရောင်းလိုက်သော နွားမလေးဆီသို့ ရောက်နေလေတော့သည်။ အဆုံးတွင် အမျှအတမ်းပေးဝေရမည့်အချိန်ကို ရောက်သောအခါတွင်ကား နွားမထံ စိတ်ရောက်နေသော ကိုသောင်းရွှေတစ်ယောက် အမျှကို အောက်ပါ အတိုင်းဝေလိုက်လေတော့သည်။
“နွားမ နွားမ နွားမ ယူတော်မူကြပါကုန်လေ့ာ”ဟူ၍ပင်ဖြစ်သည်။ ထိုအခါ တရားဟောဆရာတော်နှင့် သံဃာ တော်များ တရားနာပရိသတ်များသည်ပင် ကိုသောင်းရွှေ၏ အမျှဝေသံကို ကြားကာ အူလှိုက်သည်းလှိုက် ရယ်ကြလေတော့သတည်း။

Saturday, September 11, 2010

တခါကဇနီးမောင်နှံနှစ်ဦးတို့ရှိကြလေသည်။သူတို့နှစ်ဦးတို့တွင် လင်ယောက်ျားဖြစ်သူသည်ကား အလွန်ကပ်စေး နှဲသည်။ဇနီးသည်ကားအလွန်စေတနာကောင်းသည်။တစ်နှစ်တွင်သူတို့သည် စပါး ကြက်သွန်ငရုတ်စသည်တို့ကို ထူးခြားစွာရလေသည်။ ထို့ကြောင့်သူတို့သည်ဗုဒ္ဓဘာသာဝင်တို့၏ ထုံးတမ်းစဉ်လာအရ သားဖြစ်သူများကို ရှင်ပြု ပေးကြလေသည်။ လင်သားဖြစ်သူသည် ဇနီးသည်၏ အလိုအရလည်းကောင်း ထုံးတမ်းစဉ်လာဖြစ်နေသည်က တစ် ကြောင်း သားဖြစ်သူများကို ရှင်ပြုပေးလိုက်ရသည်။ ငွေကုန်မှာကိုကားအလွန် ကြောက်နေလေသည်။ ရှင်ပြု ပွဲကြီးကို ပြုလုပ်ပါပြီ။အလှူပွဲကြီးနေ့ နံနက်ခင်းတွင် ပရိသတ်များကို ထမင်း ဟင်းတို့ဖြင့် ဧည့်ခံကျွေးမွေနေစဉ် အလွန်ကပ်စေးနှဲသော အလှူဒါယကာကြီးသည် “ငါ့ဟာတွေကုန်ပါပြီ ငါ့ဟာတွေကုန်ပါပြီ”ဟု ထမင်းထည့်ထား သောပုတ်ကြီးကို မ,ကာ မ,ကာနေလေတော့သည်။ထိုအချိန်အခါ အလှူဒါယ ကာကြီး၏ ရင်ဝယ်ပုတ်မစေတနာ သည်ဖြစ်ပေါ်၍လာလေ၏။ ထို့နောက် အလှူဒါယကာကြီးသည် ထမင်းကို အလှူအကျွံစားသော သူများကို ကြည့် ကာ မုန်းစစေတနာသည် ဖြစ်ပြန်လေ၏။ နောက်ဆုံးတွက်ကား အလှူဒါယကာကြီးသည် အပါယ်ရစေတနာ ဖြစ်လေတော့သတည်း။

မှတ်ချက်=ဗုဒ္ဓဘာသာဝင်တို့၏ထုံးတမ်းစဉ်လာအရ အလှူတစ်ခုပြုတော့မည်ဆိုလျှင်မလှူခင်ရှေးဦးအစ၌လှူချင် စိတ်တွေတစ်ဖွားဖွားဖြစ်နေခြင်းသည် ပုဗ္ဗစေတနာဖြစ်သည်။ သို့သော် အလှူဒါယကာကြီးသည်ကား ထိုပုဗ္ဗ စေတနာမဖြစ်မူ၍ “ငါ့ဟာတွေကုန်သွားပါပြီ၊ ငါ့ဟာတွေကုန်သွားပါပြီ”ဟု ပုတ်ကြီးကို မ,ကာ မ,ကာဖြစ်နေ လေတော့ ထိုဒါယကာကြီး၏ ရင်ဝယ်ပုတ်မစေတနာသာဖြစ်လေတော့သည်။ လှူဆဲတွင် ၀မ်းမြောက်ဝမ်းသာဖြစ် နေသော စေတနာသည် မုဉ္ဇစေတနာဖြစ်သည်။ထိုစေတနာမဖြစ်မူ၍ အလှူဒါယကာကြီးသည်ကား အလွန်စား သော သူများကို ကြည့်ကာ မုန်းစစေတနာဖြစ်လေတော့သည်။ အလှူပွဲပြီးနောက် ၀မ်းမြောက်ဝမ်းသာဖြစ်နေရ မည်ဖြစ်သော စေတနာသည်ကား အပရစေတနာဖြစ်သည်။ သို့သော် အပရစေတနာမဖြစ်မူ၍ အလှူဒါယကာ ကြီးဖြစ်သွားသောစေတနာသည်ကား အပါယ်ရစေတနာဖြစ်သွားလေတော့သတည်း။
မှတ်ချက် ဤပုံပြင်ကို ဦးသုဝဏ် (ရမ်းဗြဲ သို့မဟုတ် ရမ်းပြည့်)မှ ပြောပြသည်။

Tuesday, September 7, 2010

“မမြဲသော ပုထုဇဉ်တို့၏ သဒ္ဓါတရား”

တစ်ခါက ခရီးသည်တင်သင်္ဘောတစ်စီးသည် ဧရာဝတီမြစ်ကြောင်းအတိုင်းစုန်းဆင်းလာလေသည်။ ပုဂံညောင်ဦး မြို့အနီးရောက်သောအခါ ထိုသင်္ဘောကြီးသည် ရုတ်တရက်တိမ်းမှောက်သွားရာ ခရီးသည်များသည် ကယ်ပါယူပါ တစာစာဖြင့် အော်ဟစ်ကြလေသည်။ ထိုအထဲတွင် ဒါယကာတစ်ဦးသည်ကား
“ရွှေစည်ခုံဘုရားကြီးကယ်တော်မူပါဘုရား၊ တပည့်တော်၏ အသက်ကို ကယ်လျှင် ရွှေပြားသုံးပြား လှူပါမည် ဘုရား” ဟု ထူးဆန်းစွာ အော်နေလေသည်။ “အော် ဒါယကာတော်သည်ကား မြတ်စွာဘုရားရှင်ကိုယ်တော် မြတ်ကြီးကိုပင် လာဘ်လာဘဖြင့် မျှားပြီး ကယ်ခိုင်းနေပြန်ပြီ”။ ထို့သို့အော်ရင်း ဒါယကာတော်သည် ကံအား လျှော်စွာပင် သစ်တုံးတစ်တုံးကို ရရှိသွားလေသည်။ ထို့သို့ ဒါယကာတော်သည် သစ်တုံးကို ရရှိသွားသောအခါ
“ရွှေစည်ခုံဘုရားကြီးကယ်တော်မူပါဘုရား၊ တပည့်တော်၏ အသက်ကို ကယ်လျှင် ရွှေပြားနှစ်ပြားလှူပါမည်ဘု ရား”ဟုလျှောက်ထားပြန်သည်။ သို့သော် နဂိုက ရွှေပြားသုံးပြားလှူမည်ပြောသော ဒါယကာတော်၏ စေတနာ သည်ကား အဘယ့်ကြောင့်ရယ်မသိ တစ်ပြားလျှောက်သွားလေပြီ၊
ဒါယကာတော်သည် ကယ်ပါယူပါ တစာစာ အော်ရင်း ကမ်းခြေ၏အနီးအနားသို့ ရောက်လာလေသည်။ထိုအခါ ဒါယကာတော်အော်လိုက်သည်ကား
“ရွှေစည်ခုံဘုရားကြီးကယ်တော်မူပါဘုရား၊ ဘုရားတပည့်တော်၏ အသက်ကို ကယ်လျှင် ရွှေပြားတစ်ပြားလှူပါ မည်ဘုရား၊”ဟု လျှောက်ထားပြန်လေသည်။ ရွှေစည်းခုံဘုရားကြီးကို လှူမည်ဖြစ်သော ရွှေပြားသည်ကားတစ် ပြားသာကျန်တော့လေသည်။
ထိုသို့အော်ဟစ်ရင်း ကူးလာရာ အဆုံးတွင် ကမ်းခြေသို့ ရောက်ရှိသွားလေတော့သည်။ ထိုအခါ ဒါယကာတော် ရွှေစည်းခုံဘုရားကြီးကို လျှောက်ထားလိုက်သည်ကား
“အို ရွှေစည်းခုံဘုရားကြီးဘုရား တပည့်တော်အရှင်ဘုရားကို ရွှေပြားလှူမယ်လို့ လျှောက်ထားမိတာဟာ ယောင်ပြီး လျှောက်ထားမိတာပါဘုရား”ဟူ၍ပင် ဖြစ်သတည်း။ ဒါကြောင့်လည်း မြတ်ဗုဒ္ဓက “ပုထုဇဉ်တို့၏ သဒ္ဓါ တရားသည်ကား မမြဲပေ”ဟု ဟောတော်မူပေ၏။ မြတ်ဗုဒ္ဓ၏ စကားတော်သည်ကား လက်တွေ့ကျလှပါပေ၏။ ယုတ္တိရှိလှပါပေ၏။
သဒ္ဓါတရားမမြဲမှုနှင့်ဆက်စပ်လာသဖြင့် မိမိရွာမှ သဒ္ဓါတရားမမြဲသော ဒါယကာတစ်ဦး၏ အကြောင်းကို တင်ပြ ပေအံ့။
မိမိရွာတွင် ဦးစံညွန့်ဟုအမည်ရှိသော ဒါယကာတစ်ဦးရှိလေသည်။ တစ်နေ့သော ဥပုသ်နေ့တွင် သူသည် ချဲထီ ထိုးလေသည်။ ထို့သို့ချဲထီထိုးစဉ်
“ကျုပ်က ချဲထီပေါက်ရင် ယခုအသစ်ဆောက်နေတဲ့ ရွာဦးကျောင်းကြီးအတွက် အလှူတော်ငွေတော်တော်များ များထည့်မယ်၊ ပြီးတော့ သမီးပေါက်စကို ကျောင်းတက်ဘို့အတွက် စက်ဘီးတစ်စီဝယ်ပေးမယ်၊ ပြီးတော့ နို့စား နွားမတစ်ကောင်ကိုလဲ ၀ယ်ထားမယ်၊”ဟု အခြားသော ဥပုသ်သည်များကို သူ၏ မမြင်ရသေးသော အနာဂတ်အစီအစဉ်များကို ပြောပြနေလေ၏။ ကြားရသည်ကား သာဓုအကြိမ်ကြိမ်ခေါ်ရန်ပင် ကောင်းလှပါပေ ၏။မကြာလိုက်ပါ၊ ချဲထီထွက်ပါလေပြီ၊ ကံအားလျှော်စွာပင် ဒကာဦးစံညွန့်တစ်ယောက်ချဲထီပေါက်ပါလေပြီ။ ချဲထီထွက်သောနေ့သည်ကား ဥပုသ်နေ့ဖြစ်ရာ ဦးစံညွန်တစ်ယောက်အလွန်ပင် ပျော်နေလေသည်။ သူသည် “ခုကျနော် ချဲထီ(၅၀၀)ဘိုးပေါက်တယ်၊ သမီးပေါက်စအတွက် စက်ဘီးဝယ်မယ်၊ ပြီးတော့ နို့စားနွားမတစ် ကောင်ဝယ်မယ်၊ ကျန်တဲ့ငွေကိုတော့ စီးပွားရေးလေး ဘာလေးလုပ်မယ်။” သူ၏ အနာဂတ်အစီအစဉ်များကို ဥပုသ်များသည်ကို ပြောပြန်လေ၏။ ထိုအခါ ဥပုသ်သည်များက
“စံညွန် အစက မင်းပြောတော့ ကျောင်းဆောင်သစ်အတွက် ငွေလှူမယ်ဆို၊ ခုတော့ မပါတော့ပါလား၊ ဘယ်လို ဖြစ်ပြန်တာလဲကွ” ဟု ၀ိုင်းဝန်းအပြစ်တင်ကြလေ၏။ ထိုအခါ စံညွန်က
“ခင်ဗျားတို့ကလဲဗျာ ကျောင်းကြီးဆောက်တာ အနည်းဆုံး နှစ်နှစ်တော့ ကြာအုံးမှာပါ၊ နောက်တစ်ခါပေါက်တော့ လှူတာပေါ့ဗျ”ဟု ပြောကာ ကျောင်းအတွက်အလှူငွေလှူဘို့ရန်ပင် ငြင်းဆန်သွားလေသည်။ စံညွန်တစ်ယောက် ချဲထီပေါက်သဖြင့် ပျော်နေလေသည်။ သို့သော် ချဲဒိုင်းသည်ကား သူ၏ ပေါက်သောငွေကိုကား လာရောက်မပေး သေးချေ၊ မကြာလိုက်ပါ၊ အကြောင်းအကျိုးအစုံကို သိလိုက်ရပါပြီ။ ဦးစံညွန့်ထိုးသော ချဲဒိုင်သည် မလျှော်နိုင် သဖြင့် ထွက်ပြေးပြီဖြစ်ကြောင်း ကြားသိလိုက်ရလေသည်။ ထိုနေ့မှစကာ ဦးစံညွန်တစ်ယောက် ဥပုသ်ကိုပင် မစောင့်နိုင်တော့ပေ။ ဥပုသ်သည်များက ကောက်ချက်ချကြသည်ကား
“ဒီကောင် ချဲထီပေါက်ငွေ မရမှာလဲ မပြောနဲ့၊ သူရဲ့သဒ္ဓါတရားကိုက မမြဲတာ၊ ကျောင်းအတွက် ငွေလှူမယ်ပြော ပြီး လှူမှ မလှူတာ”ဟူ၍ပင်ဖြစ်သတည်း။

Sunday, September 5, 2010

“နှစ်ခါ ကံဆိုးသော ဆရာတော်”

ဒီအဖြစ်အပျက်ကလေးသည်ကား ရန်ကုန်တိုင်း လှိုင်သာယာမြို့နယ်အတွင်းက တကယ်ဖြစ်ရပ်က လေးတစ်ခု ဖြစ်သည်။ လှိုင်သာယာမြို့အတွင်းဝယ် စာသင်တိုက်တစ်တိုက်မှ ဆရာတော်ကြီးတစ်ပါးသည် နံနက်ဆွမ်းဘုဉ်း ပေးရန်အလို့ငှာ ကျောင်းတိုက်အနီးမှ အိမ်တစ်အိမ်သို့ ဆွမ်းစားကြွသွားသည်။ ဆရာတော်ကြွသွားသော အိမ်သည်ကား မပြီးပြတ်သေးသော အကာအရံ မကာရသေးသော နှစ်ထပ်အိမ်ဖြစ်သည်။ ဆရာတော်များကြွလာ မည်ဖြစ်သဖြင့် အိမ်ရှင်များသည် ယာယီအားဖြင့် ကန့်လန့်ကာများဖြင့် အိမ်ကို ကာရံထားသည်။ ဆရာတော်သည် ရောက်လျှင် ရောက်ချင်း
“ဆွမ်းမကပ်မီ ငါ့ကို ရေနွေးကြမ်းကပ်ကွာ”ဟု မိန့်တော်မူကာ ရေနွေးကို ဘုဉ်းပေးပြီးနောက် အိမ်၏ နောက်ကာကို မှီလိုက်လေသည်။ ဆရာတော်မှီလိုက်သော နောက်ကာသည်ကား ကန့်လန့်ကာသာဖြစ်သဖြင့် ဆရာတော်သည် အိမ်ပေါ်မှ အောက်သို့ ၈ျွမ်းထိုးကျသွားလေသည်။ကံဆိုချင်းတော့ ဆရာတော်၏ ဦးခေါင်းသည် ရေအနည်းရှိသော ကန်အတွင်း ရွံ့ညွန်အတွင်းဝယ်စိုက်နေလေတော့သည်။ မြင်ကွင်းကား မကောင်းလှပေ၊ ဆရာတော်၏ မြင်ကွင်းကို မြင်ကြရသော ဆွမ်းအမနှင့် အမျိုးသမီးများပင်သည် ရုတ်တရက် နောက်ဆုတ် လိုက်ကြရသည်။ ၊ သို့ဖြစ်သဖြင့် ဆွမ်းဒကာနှင့် အမျိုးသားများသည်သာဆရာတော်၏ နောက်သို့ လိုက်ကာ ရွံ့ညွှန်အိုင်အတွင်းမှ ဆရာတော်ကို ဆယ်ယူကြရလေသည်။ဦးခေါင်းအနည်းငယ်ကွဲသွားသည်မှ တစ်ပါးအခြား ဒဏ်ရာအကြီးအကျယ်မရလိုက်ပေ။ ထို့နေမှစ၍ ဆရာတော်ကြီးသည် အရှက်ရကာ ဘယ်ဆွမ်းကပ် ဘယ်အလှူ ပွဲမှ မလိုက်တော့ဟူ၍ ဆုံးဖြတ်ချက်ချလိုက်လေသည်။
သို့သော်လည်း မကြာလိုက်ပါ၊ ဆရာတော်၏ ဒဏ်ရာသည်ပင် မပျောက်သေးပေ။ သူ၏ အရင်းနှီးဆုံး ဆွမ်းဒကာ တစ်ယောက်သည် ရုတ်တရက် ကားတိုက်မှုဖြင့် ဆုံးသွားလေသည်။ ကျန်ရစ်သော ဇနီးသည်နှင့် သားသမီးများ သည် ဆရာတော်အား အသုဘရှုရန်လာရောက်ပင့်ဆောင်လေသည်။ ဘယ်ပွဲမှ မလိုက်ဟု ဆုံးဖြတ်ချက်ချ ထားသော ဆရာတော်သည် ရင်းနှီးသော ဒကာ ဒကာမများဖြစ်နေသည်ကတစ်ကြောင်း နာရေးဖြစ်သည် ကတစ်ကြောင်း မကြွလို့တော့မကောင်းဘူးဟု စဉ်းစားကာ ကြွမည်ဟု အာမခံလိုက်လေသည်။ သို့ဖြစ်သဖြင့် ဆရာတော်သည် ဒကာတော်၏ အသုဘပွဲသို့ ကြွသွားလေသည်။ ဆရာတော်သည် ရောက်လျှင်ရောက်ချင်း သီလစတင်ပေးနေပါပြီ။သီလပေးနေစဉ် ရုတ်တရက် ဘယ်ကလာသည်မသိ ၀ုန်းကနဲဆိုသော အသံကြီး ပေါ်ပေါက်လာလေသည်။ ထိုအသံကြီးနှင့်အတူ အလောင်းကောင်ကြီးသည်လည်း ၀ုန်းကနဲထလာလေသည်။ ရှေ့တည့်တည့်ရှိ အလောင်းကောင်ကြီးထလာသည်ကို မြင်လိုက်ရသော ဆရာတော်သည် “သရဲခြောက် တယ်ဟေ”ဟု ငယ်သံပါအောင် အော်ကာ သီလကိုပင် ဆုံးအောင်မပေးတော့မူ၍ ရုတ်တရက် ထွက်ပြေးသွား လေတော့သည်။ ဆရာတော်ကြီးပြေးတော့ အခြားဒကာ ဒကာမတို့သည်လည်း
“ဆရာတော့ ပြေးပြီ ဒကာလဲပြေးမှ”ဟု ဆိုကာ ထွက်ပြေးသွားကြလေတော့သတည်း။
မှတ်ချက် ==နောက်မှ အလောင်းကောင်ကြီးထလာရခြင်းအကြောင်းကို သိကြရလေသည်။ ကားတစ်စီသည် ထိုအသုဘအိမ်၏ရှေ့တွင်ကြမ်းတုံးခုကာပြင်နေလေသည်။ထိုသို့ပြင်နေစဉ် ကား၏ အောက်၌ ခုထားသော ကြမ်း တုံးသည် ပြုတ်ကျသွားလေသည်။ ကြမ်းတုံးပြုတ်သွားသည်နှင့်တစ်ပြိုင်နက် ထိုကားသည် အရှိန်နှင့်ပြေးသွားကာ အသုဘအိမ်၏အောက်ထပ်ကို ၀င်ရောက်တိုက်မိသွားလေသည်။ ကားတိုက်မိသော နေရာသည်ကား အလောင်း ကောင်၏ အောက်တည့်တည့်ဖြစ်လေရာ အလောင်းကောင်ထောင်သွားခြင်းဖြစ်လေသည်။ အမှန်စင်စစ်သူရဲ ခြောက်ကားမဟုတ်ပေ။ သို့သော် ဆရာတော်ကြီးသည်ကား ကံနှစ်ခါ ဆိုးသဖြင့် ဘယ်တော့မှ အလှူပွဲများကို မလိုက်တော့ဟု ဆုံးဖြတ်ချက်ကို ခိုင်ခိုင်မာမာ ချလိုက်လေတော့သတည်း။


Thursday, September 2, 2010

“Don't hot”

ယခုဆယ်စုနှစ်အတွင်း သံဃာတော်အရှင်သူမြတ်များသည် နိုင်ငံခြားသို့ ကြွရောက်ကာ ပညာသင်ကြားကြသည်မှာ အတော်ပင်များလာလေပြီ။ ဤသည်မှာ မြတ်ဗုဒ္ဓ၏ သာသနာတော်တိုးတက်လာစေရန်အတွက် အဓိကအကြောင်း တစ်ရပ်ဖြစ်ပေသည်။ အလွန်အင်မတန်မှပင် ၀မ်းမြောက်စရာပင်ဖြစ်ပေသည်။ သို့သော် အချို့သော သံဃာတော် များသည် အင်္ဂလိပ်စာကောင်းကြပြီ အချို့သော သံဃာတော်များသည်ကား အင်္ဂလိပ်စာကို ကြီးမှ သင်ကြရသည့် အတွက် အခက်အခဲတွေ့ကြလေသည်။ သို့ဖြစ်သဖြင့် အင်္ဂလိပ်စကားပြောသောအခါ အတွေ့အကြုံမရှိသေး သည့်အတွက် အဆင်ပြေသလိုပြောကြရသည်။ တစ်နှစ်က ပြည်ပတွင် ပညာသင်နေသော ကိုယ်တော်လေးတစ်ပါး သည် စင်္ကာပူနိုင်ငံသို့ အလည်ကြွရောက်လာသည်။ စင်္ကာပူနိုင်ငံတွင် တစ်လနေပြီးနောက်သူသည် မလေးရှား နိုင်ငံသို့ ဆက်လက်ခရီးကြွချီရမည်ဖြစ်ရာ သူငယ်ချင်းများက
“ကိုယ်တော်မလေးရှားအင်မီဂရေရှင်းဌာနအရာရှိတွေက ဘုန်းကြီးဆိုရင် တော်တော်ရစ်တယ်နော်၊ အဲဒါသတိ ထားပြီး သူတို့မေးတာကို သေချာနားထောင်ပြီးမှ ဖြေပါ၊ ဟိုတလောက ကိုယ်တော်တစ်ပါး သုံးခါမေးတာ နားမလည်မလို့ အရာရှိတစ်ယောက်က ဆဲလွှတ်တယ်၊ ဆဲရုံတင်မကဘူး၊ ဗီဇာတောင်မပေးဘူးကိုယ်တော်ရေ၊ သတိထားပါ”ဟု သတိပေးကြလေသည်။ သို့သော်ကိုယ်တော်လေးက ထိုသို့သတိပေးသည်ကို ဂရုမစိုက်သော လေသံဖြင့်လည်းကောင်း သူမှာနိုင်ငံခြားအတွေ့အကြုံတွေတော်တော်ရှိပြီးသားဟူ၍လည်းကောင်း သိရှိစေရန် အလို့ငှာ လူကြားသူကြားတွင်
“Don't hot, don't h0t”ဟု ကြယ်လောင်စွာ အင်္ဂလိပ်လိုပြောချလိုက်လေတော့သည်။ ကိုယ်တော်လေး ပြောလိုက်သော အသုံးကို အင်္ဂလိပ်စာကို ကျွမ်းကျင်စွာ ပြောတတ်သော နားထောင်သူများ ပင်
“ဒီကိုယ်တော်က Don't hot, Don't hot နဲ့ပြောသွားတယ်၊ ဘာအဓိပ္ပာယ်နဲ့ ပြောသည်မသိ၊”ဟု ဇဝေဇ၀ါများပင်ဖြစ်သွားကြလေသည်။ နောက်ပိုင်းမှ ကြားရသူ ပညာရှင်များက သဘောပေါက်ကြသည်။
သူပြောလိုသည်မှာ
“သူ၏ မလေးရှား ခရီစဉ်အတွက် ဘာမှ စိတ်မပူနဲ့လို့ ပြောလိုသည်ကို D0n't worry , don't worry ဟူ၍ပြောမည့်အစား စိတ်မပူပါနဲ့ကို မြန်မာအတွေးဖြင့် Don't hot, don't hotဟူ၍ ပြောချလိုက်သောအခါ ပညာရှင်များဇဝေဇ၀ါဖြစ်မည်ဆိုလျှင်လည်း ဖြစ်ကောင်းပေရာ၏။အော် မှတ်သားဖွယ်ရာပါပေသည်တကား။
မှတ်ချက် စိတ်မပူပါနဲ့ကို Don't worry.ဟု အများပြောကြပေ၏။ စိတ်မပူပါနဲ့ကို Don't hotဟု ပြောလိုက်ခြင်းသည် ဂရမ္မာလည်းမှား၊ အသုံးလည်းမှာသည်ဟုထင်မြင်မိ၏။ အော် မိမိကပင် ဥာဏ်မမှီရော့လေ သလား၊ သို့မဟုတ် ကိုယ်တော်လေး၏ အသုံးကပင် မြင့်နေရော့သလားတော့မသိ မှန်ကန်သော အသုံးကို ပညာရှင်များကသာ ဆုံးဖြတ်ပေးကြပါတော့ဟူ၍ တိုက်တွန်းလိုက်ရပေသည်။
နော်ဆရာတော်တစ်ပါးရှိသေးပေသည်။ ထိုဆရာတော်သည်ကား နိုင်ငံခြားနေသည်မှာလည်း အတော်ကြာပြီဖြစ် လေသည်။ သူသည် သူ့ကိုယ်သူလည်း အင်္ဂလိပ်စာအတော်ပင်တတ်နေပြီဟူ၍ အထင်တစ်လုံးရှိထားသူ ပင်ဖြစ် သည်။ တစ်နေ့ နိုင်ငံခြားသား တက္ကစီမောင်းသမားနှင့် အလ္လာပသလ္လာပစကားပြောကြရာက ဖုန်းတော့ ပစ်ဆီသည်သို့ ရောက်သွားလေသည်။ ဆရာတော်က သူ၏ ဖုန်းဟာငွေအလွန်စားကြောင်းကို နိုင်ငံခြားသားအား
“My phone eats a lot of money”ဟု ပြောကြားလိုက်လေသည်။ အင်္ဂလိပ်စာတတ် ကားဒရိုင်ဗာသည်ပင် နောက်စီလည်သွားလေ၏(မျက်စိလည်သွားလေ၏)။ မှတ်သားဖွယ်ရာပါပေတည်း။
နောက်အဖြစ်အပျက်တစ်ခုသည်ကား တစ်နေ့ မြန်မာကျောင်းသို့ အင်္ဂလန်နိုင်ငံမှ ပညာရှင်တစ်ယောက်ရောက် ရှိလာသည်။ သူသည် သူနှင့်ရင်းနှီးသော မြန်မာကိုယ်တော်တစ်ပါးကို တွေ့ရန်ရောက်ရှိလာသည်။ ကံဆိုးချင်တော့ ထိုဆရာတော်နှင့် ပက်ပင်သွားတိုးသည်။ သူသည် အင်္ဂလိပ်စကား ကျွမ်းကျင်စွာ ပြောတတ် ကြောင်းကို မြန်မာသံဃာတော်များကို သိစေချင်သည်။ သို့ဖြစ်သဖြင့် သူသည် အင်္ဂလန်နိုင်ငံသားကို ဘာကိစ္စနှင့် လာသလဲဆိုသည်ကို သွားရောက်မေးမြန်းလေသည်။ နိုင်ငံခြားသားက သူသည် သူ၏ သူငယ်ချင်းဖြစ်သော မြန်မာရဟန်းတော်ကို တွေ့လိုကြောင်းပြောကြားလေသည်။ ထိုအခါ ဆရာတော်က ခဏနေအုံးကို
“moment, moment, ကို မြန်မာအသံဖြင့်“ မိုးမင်း မိုးမင်း”ထွက်လေတော့ အင်္ဂလိပ်စာဘိုးအေ အင်္ဂလန်နိုင်ငံခြားသားကြီးပင် နောက်စိလည်သွားလေ၏(မျက်စိလည်သွားလေ၏)ထိုသို့ မိုးမင်း မိုးမင်း ပြောသံကို ဘေးမှ သံဃာတော်များက ကြားသောအခါ
“ဆရာတော် မိုးမင်းတင်ပဲလား၊ မိုးဝင်းကော မပါဘူးလား” ဟု စကြသောအခါ ဆရာတော်စိတ်ဆိုးပြီး ဖိနပ်ဖြင့် လိုက်ပေါက်သဖြင့် စကြနောက်ကြသော ကိုယ်တော်လေးများသည်ပင် ထွက်ပြေးကြရလေသည်။ ဆရာတော် သည်ကား သူ၏ အမှားကို ဘယ်တော့မှ မှားသည်ဟု ၀န်ခံလေ့မရှိ။ တစ်နေ့ အင်္ဂလိပ်စာအကြောင်းပြောကြရာ ဆရာတော်က
“အင်္ဂလန်ကကောင်တွေ အင်္ဂလ်ိပ်စာ နားလည်းတယ်၊ ကျွမ်းတယ်နဲ့ပြောကြတယ်၊ ဟိုတစ်နေ့က အင်္ဂလန်က ကောင်တစ်ကောင် ငါမေးတာ ဘာမှနားမလည်ပါဘူးကွာ”ဟု သူ၏ အမှားကို ၀န်မခံမူ၍ တဖက်လူကို ပုတ်ချ ပြောပြန်လေ၏။ ဆရာတော်သည်ကား ဘဲဖင်ကွဲရင် ကွဲပေ့စေ၊ သူ၏ ဘဲဥအကြီးစားကြီးကိုကား လျှော့မည် မဟုတ်တော့ချေ။


“ကံလေးမျိုး လေးစားအပိုင်း(၂)

Second one is bright action with bright result. ဒုတိယမြောက်ကံသည်ကား အဖြူအကျိုးကို ပေးသော အဖြူကံဖြစ်သည်။ What is bright action with bright result? အဖြူအကျိုးကို ပေးသော အဖြူကံဟူသည် အဘယ်နည်း၊Here someone performs ten kinds of good deed. ဤနေရာတွင် တစ်စုံတစ်ယောက်သည် ကောင်းသောကံဆယ်မျိုးကိုပြုသည်။ Having performed ten kinds of good deed, he reappears in happy worlds such as human, god, and brahma. ကောင်းသော ကံဆယ်မျိုးကို ပြုပြီးဖြစ်တဲ့ အတွက်ကြောင့် သူသည် လူ့ဘုံ နတ်ဘုံ ဗြဟ္မာဘုံဟုဆိုအပ်သောသုဂတိဘုံများမှာ ပြန်လည်ဖြစ်ကြရသည်။ Here I would like to explain the ten kinds of bright deed. ဤနေရာတွင်အဖြူကံဆယ် မျိုးအကြောင်းတို့ကို ရှင်းပြပေအံ့။They are as follows:အဖြူကံဆယ်မျိုးဟူသည် အောက်ပါအတိုင်းဖြစ်သည်။
(1) Abstaining from killing any living beings;သူတစ်ပါးအသက်ကို သတ်ခြင်းမှ ရှောင်ကြဉ်ခြင်း
(2) Abstaining from stealing other persons’ belongings; and သူတစ်ပါးဥစ္စာကို ခိုးယူခြင်းမှ ရှောင်ကြဉ်ခြင်း
(3) Abstaining from making sexual misconduct. ကာမဂုဏ်တို့၌ မှားမှားယွင်းယွင်းပြုခြင်းမှ ရှောင်ကြဉ်ခြင်း
These three are called Kayakamma (bodily action).ဤကံသုံးမျိုးတို့ကို ကာယကံသုံးပါးဟူ၍ ခေါ်သည်။

(4) Abstaining from telling lie;မဟုတ်မမှန်သော စကားကို ပြောဆိုခြင်းမှ ရှောင်ကြဉ်ခြင်း
(5) Abstaining from slandering;ဂုံးတိုက်သော စကားကို ပြောဆိုခြင်းမှ ရှောင်ကြဉ်ခြင်း
(6) Abstaining from telling harsh works; and ကြမ်းတမ်းသော စကားကို ပြောဆိုခြင်းမှ ရှောင်ကြဉ်ခြင်း
(7) Abstaining from telling frivolous talk. အကျိုးမဲ့သော စကားကို ပြောဆိုခြင်းမှ ရှောင်ကြဉ်ခြင်း
These four are called Vacikamma (verbal action).ဤကံလေးမျိုးတို့ကို ၀စီကံလေးမျိုးဟု ခေါ်ဆိုပါသည်။
(8)Non-greed;မတပ်မက်ခြင်း
(9)Non-hatred; and ဒေါသမဖြစ်ခြင်း
(10) Right view.မှန်ကန်သော အယူ
These three are called Manokamma (mental action). ထိုကံသုံးမျိုးတို့ကို မနောကံဟု ခေါ်ဆိုပါသည်။
These ten kinds of good action are called Dasakusalakamma. ထိုကောင်းသော ကံဆယ်ပါးကို ဒသကုသလကမ္မပထဆယ်ပါးဟုခေါ်ဆိုပါသည်။If someone performs these ten kinds of gooddeed (bright action), he or she will reap bright result. အကယ်၍ တစ်စုံတစ်ယောက်သည် ထိုကံဆယ်မျိုးကို ပြုလျှင် ကောင်းသောကံ သို့မဟုတ် အဖြူကံဆယ်မျိုးကို ပြုလျှင် သူ သို့မဟုတ် သူမသည် အဖြူအကျိုးကို သို့မဟုတ် ကောင်းသော အကျိုးကို ခံစားရမည်ဖြစ်သည်။It is called bright action with bright result (Sukkakammasukkavipaka). ထိုကံကို အဖြူအကျိုးကိုပေးသော သို့မဟုတ် ကောင်းသော အကျိုးကို ပေးသော (သုက္ကကမ္မသုက္က၀ိပါက)ကံဟူ၍ ခေါ်ဆိုပါသည်။
 

Go Up အပေါ်သို့