“ရှူရမှာလား သုံးရမှာလား”

ဤအဖြစ်အပျက်ကလေးသည် လွန်ခဲ့သော နှစ်ပေါင်း (၂၆)နှစ်လောက်က ဖြစ်ပါပေသည်။ နွေဦးပေါက်ပြီဆိုလျှင် သံဃာတော်များသည် အစိုးရက ကျင်းပပေးသော ဓမ္မာစရိယ စာမေးပွဲနှင့် ပထမပြန်စာမေးပွဲများကို ဖြေဆိုကြရ လေသည်။ သံဃာတော်များသည် စာမေးပွဲများဖြေပြီးသည့်နောက် ကျောင်းများ ခေတ္တခဏ ပိတ်သည်နှင့်တစ် ပြိုင်နက် သူတို့၏ အရပ်ဒေသများသို့ ပြန်ကြွကြလေသည်။ ထိုသံဃာတော်အပေါင်းတွင် ဦးဇင်းလေးတစ်ပါးသည် လည်း စာမေးပွဲကို ကောင်းစွာ ဖြေဆိုပြီးနောက်သူ၏ဇာတိရွာသို့ ပြန်ကြွသွားလေသည်။ဦးဇင်းလေးသည် ရွာတွင် သီတင်းသုံးနေထိုင်စဉ် လပေါင်းများစွာကြာ ကွဲကွာနေသော မိဘ၊ ဆရာသမားများ၊ ရဟန်းဒါယကာ+ ရဟန်း ဒါယိကာမများ၊ဆွေမျိုးအပေါင်း၊သူငယ်ချင်းအပေါင်းနှင့်တွေ့ကာအလွန်ပီတိဖြစ်နေခဲ့သည်။စကားများသည်လည်း ပြော၍ အားမရအောင်ဖြစ်နေခဲ့သည်။သူသည်နှစ်လကြာနေပြီးနောက် ကျောင်းပြန်လည်ဖွင့်သည့်အတွက် မြို့သို့ ပြန်ရတော့မည်ဖြစ်ပေသည်။သို့အတွက်ကြောင့် သူသည်မိဘ၊ဆွေမျိုး၊သူငယ်ချင်းများကို လိုက်လံနှုတ်ဆက်လေ တော့သည်။ထိုမိဘဆွေမျိုး သူငယ်ချင်းများသည် မြို့သို့ တစ်ဖန်စာသင်ကြွတော့မည်ဖြစ်သော သူတို့၏ ဦးဇင်းကို တတ်စွမ်းသလောက်ထောက်ပန့်လှူဒါန်းကြလေသည်။ ထိုဇင်းလေးသည် နောက်ဆုံးနှုတ်ဆက်ရန်ကျန်နေသော သူများသည်ကား သူ၏ ရဟန်းဒါယကာ+ရဟန်းဒါယိကာမများပင်ဖြစ်သည်။ သို့ဖြစ်သဖြင့် သူသည် သူ၏ ရဟန်း ဒါယကာ+ရဟန်းဒါယိကာမများအိမ်သို့ ကြွသွားလေသည်။ဦးဇင်းလေးသည် သူ၏ ရဟန်းဒါယကာ+ရဟန်းဒါယ ကာမများနှင့် ပက်ပင်းတိုးလေသည်။ထိုအခါ သူသည်
“ဒကာကြီး+ဒကာမကြီးတို့ ဦးဇင်း မနက်ဖြန် မြို့ကို စာသင်ပြန်ကြွတော့မယ်”ဟု နှုတ်ဆက်ပြောကြားလေသည်။
ဤတွင် ရဟန်းဒါယကာကြီးက
“ဦးဇင်းကို ငွေလှူအုံးမည်”ဟု ဆိုကာ ငွေနှစ်ကျပ်ကို လှူဒါန်းလေသည်။ ထိုအခါ ဦးဇင်းဖြစ်သူက ငွေနှစ်ကျပ်ကို ကြည့်ကာ
“ဒကာကြီးရယ် ဒီလောက် ကုန်ဈေးနှုန်းတွေ တက်နေတဲ့အချိန်မှာ ဒကာကြီးက ဦးဇင်းကို ငွေနှစ်ကျပ်လာလှူ တယ်၊ ဒီငွေနှစ်ကျပ်က ဘာအတွက်လဲ၊ သုံးဘို့လား၊ သို့မဟုတ် ရှူဘို့လား၊ သုံးဘို့ဆိုရင်တော့ ဘာမှသုံးရမှာ မဟုတ်ဘူး၊ ဒါကြောင့် ဒကာကြီးပဲ ပြန်ယူလိုက်ပါ၊ ရှူဘို့ဆိုရင်တော့ နှစ်ကျပ်လှူစရာမလိုပါဘူး၊ ငါးပြားစေ့တစ်စေ့
ဆိုရပါတယ်၊ ငါးပြားပဲလှူပါ ဒကာကြီး”ဟု ဆိုလိုက်သောအခါ ဒါယကာကြီးသည်
“ရဟန်းအမကြီးရေ ငါလှူတာ နည်းတယ်တဲ့၊ နင်သာ ကြည့်လှူလိုက်ပေတော့”ဟု မျက်စိပျက် မျက်နှာပျက်ဖြစ် ကာ အိမ်ခန်းအတွင်းသို့ ၀င်ပြေးသွားလေတော့သတည်း။
မှတ်ချက်။။ ထိုခေတ် ထိုကာလက တက်ရွန်သင်္ကန်းတစ်စုံပင် နှစ်ရာ့ငါးဆယ်ပေးရသော ခေတ်ဖြစ်သောကြောင့် “နည်းသည်ဟု ပြောမလား၊ များသည်ဟု ပြောရမလား၊ မနည်း မများဟု ပြောရမလား ”စာဖတ်သူတို့ ဆုံးဖြတ်ကြ ကုန်ရာသတည်း။

“ကြက်သားထက်တောင် ကြိုက်သေး”

ရမည်းသင်းမြို့ပေါ်ရှိ စာသင်တိုက်တစ်ခုတွင် ဦးဝံသသည် ဆွမ်းစာကျောင်းဘုန်းကြီးအဖြစ် တာဝန်ယူခဲ့သည်မှာ သုံးလခန့်ရှိပြီးဖြစ်သည်။ ဦးဝံသသည် ဒါယကာ ဒါယကာမများအပေါ် အပြောကောင်းသလို အမြှောက်လည်းကောင်းသည်။ ထို့ကြောင့် လှူမည့်တန်းမည့်သူများ မကြာခဏ ရောက်လာတတ်သည်။ တစ်နေ့ ရပ်ကွက်အတွင်းမှ အမျိုးသမီးတစ်ယောက် ဆွမ်းချိုင့်လာပို့ရာ အပြောကောင်းသော ဦးဝံသမှာ မြင်မြင်ချင်း လှမ်းနှုတ်ဆက်လိုက်သည်။
“ဟာ ဒကာမကြီး ဆွမ်းလာပို့တာလား”
“မှန်ပါဘုရား တပည့်တော် သဒ္ဓါဆွမ်းလာပို့တာပါဘုရား”
“အင်း သာဓုဗျာ သာဓု သာဓု-- ကဲ မှန်းစမ်း ဘာဟင်းတွေတုန်း”
“မှန်ပါ ကြက်သားဟင်းပါဘုရား”
“ဟေ ဟုတ်လား ဟန်ကြတာပဲ ကျောင်းက စာချဘုန်းကြီးတွေကို ကြက်သားနဲ့ မကပ်ရတာ ကြာပေါ့ဗျာ ကြက်သားထက် ကောင်းတဲ့ဟင်း မရှိတော့ဘူး”
“မှန်ပါဘုရား”ဟု ဒါယကာမကြီးမှာ ၀မ်းသာအားရဖြင့် ဆွမ်းဟင်းများလှယ်ပြီး ပြန်ရန် ကျောင်းအောက်ထပ်လှေကားအနီးမှ ဖိနပ်ဝင်ယူနေ၏။
မကြာမီ ဒါယကာမတစ်ယောက်ဆွမ်းချိုင့်လာပို့ပြန်၏။ ထုံးစံအတိုင်း နှုတ်ဆက်ပြန်၏။
“ဟာ ဒကာမကြီးဆွမ်းချိုင့်လာပို့တာလား”
“မှန်ပါဘုရား မွေးနေ့မို့ ဆွမ်းလာပို့တာပါဘုရား”
“သာဓုဗျာ သာဓု သာဓု ကဲ မှန်းစမ်း ဘာဟင်းတွေတုန်း”
“၀က်သားဟင်းပါအရှင်ဘုရား”
“ဟေ ဟန်ကျတာပဲ စာချဘုန်းကြီးတွေကို ၀က်သားနဲ့ကပ်ရတာပေါ့၊ ကျုပ်တို့က ၀က်သားဆို ကြက်သားထက်တောင် ကြိုက်သေးတယ်၊ ကြက်သားကမှ အရိုးထွင်နေရသေး”
ဦးဝံသသည် အရင်ကြက်သားဟင်းလာလှူသော ဒါယကာမကြီးပြန်သွားပြီထင်၍ နောက်ဝက်သားဟင်း လာပို့သော ဒါယကာမကြီးကို မြှောက်ပင့်၍ ပြောဆိုနေလေ၏။
လှေကားအနီးမှ ဖိနပ်ဝင်ယူနေသော ကြက်သားလှူသော ဒါယကာမကြီး ကြားသွားရာ
“ဘုန်းကြီးတန်မဲ့ တော်ကြာတစ်မျိုး ခုတစ်မျိုးပြောတတ်တဲ့ဘုန်းကြီး၊ နောက် အရှင်ဘုရားကျောင်းကို ဘယ်တော့မှ ဆွမ်းလာမပို့တော့ဘူး”ဟု ပြောကာ စိတ်ဆိုးထွက်သွားလေတော့သည်။ထိုဦးဝံသသည်လည်း နောက်တစ်ကြိမ် ထိုဒါယိကာမကြီးကို ပြန်လည်တွေ့ဆုံခွင့် မရတော့ချေ။

မှတ်ချက် ဥယျာဉ်တိုက်(ရန်ကင်းတောင်) အနှစ်(၂၀)ပုံရိပ် မဂ္ဂဇင်းမှ ထုတ်နှုတ်ပြင်ဆင်ရေးသားတင်ပြလိုက်ရပေသည်။

“ခေါင်းဖြတ် လောင်းလိုက်”

တစ်ခါက မြို့တစ်မြို့၏ စာသင်တိုက်တစ်တိုက်တွင် ကိုရင်ပုညအမည်ရှိ စာသင်သားတစ်ပါးရှိလေသည်။ ကိုရင် ပုညသည် ည(၁၂)နာရီထိုးသည်အထိ စာကျက်ထားသောကြောင့် အတော်နေမြင့်မှ အိပ်ရာကနိုးသည်ခဲ့လေ သည်။ ထို့နောက် သွားတိုက်၊မျက်နှာသစ်ပြီး ရေးကြီးသုတ်ပြာနှင့် သင်္ကန်းမြန်မြန်ရုံကာ ဆွမ်းခံကြွသွားလေသည်။ ဆွမ်းခံအိမ် ငါးအိမ်ခန့်မျှ ကြွပြီးဖြစ်သော်လည်း ဆွမ်းဟင်းကား တစ်ခွက်သာ ရသေးသည်။ ထိုရထားသော ဆွမ်း ဟင်းသည်လည်း မက်လောက်သော ဆွမ်းဟင်းတော့မဟုတ်ချေ၊ ထို့နောက် ကိုရင်ပုညသည် ခြောက်အိမ် မြောက် အိမ်သို့ဝင်လိုက်ပါပြီ။ အိမ်ရှင်ဒါယကာမကြီးသည်ကား အ၀တ်လျှော်နေသဖြင့် ကိုရင်ပုညကြွလာသည် ကို မမြင်လိုက်ချေ။ အိမ်အတွင်းရှိ ဒါယကာမကြီး၏ သမီးဖြစ်သူက မြင်လိုက်သဖြင့်
သမီး
“အမေ ကိုရင်ဆွမ်းခံကြွလာတယ်”
အမေ
“အေး ငါအ၀တ်လျှော်နေတယ်၊ မအားသေးဘူး၊ ကြောင်အိမ်ထဲမှာ ငါးကြော်ရှိတယ်၊ ယူလောင်းလိုက်”
ထိုဒါယကာမကြီး၏ ငါးကြော်လောင်းလိုက်ဟု ပြောသံကို ကြားရသောအခါ ကိုရင်ပုညသည် စိတ်အတွင်းမှ ကြိတ် ကာပီတိဖြစ်နေတော့သည်။ ဘုဉ်းပေးလိုက်စိတ် တစ်ဖွားဖွားဖြစ်သဖြင့် မိမိတံတွေးများကိုပင် ပြန်လည်မျိုချလိုက် ရသည်။
သမီး
“အမေ ငါးကြော်က တစ်ကောင်တည်းရှိတာ တစ်ကောင်လုံးလောင်းလိုက်ရမှာလား”
ထိုအခါ မိခင်ဖြစ်သူ ပြန်လည်ပြောလိုက်သော စကားကြောင့် ကိုရင်ပုညအကြီးအကျယ် စိတ်ဓာတ်ကျသွားလေ တော့သည်။ မိခင်ဖြစ်သူ ပြောလိုက်သော စကားသည်ကား
“ဟဲ့ ငါးကြော်ကို အကောင်လိုက် လောင်းရအောင် အဲဒီကိုရင်က နင့်လင်များမှတ်လို့လား၊ ခေါင်းဖြတ်လောက် လိုက်”ဟူ၍ပင်ဖြစ်သတည်း။
မှတ်ချက်= ဤပုံပြင်သည် မန္တလေးတိုင်း ပုသိမ်ကြီးမြို့နယ် ရန်ကင်းတောင်ခြေ ဥယျာဉ်စာသင်တိုင်၏ နှစ်(၂၀) ပုံရိပ် မဂ္ဂဇင်းမှ ပြန်လည် ထုတ်နှုတ်ရေးသား ဖေါ်ပြလိုက်ရပေသည်။

“ဘုရားပွင့်တောင် သွားမဖူးရဘူး”

မြန်မာပြည်တွင် နာမည်အကြီးဆုံး စာသင်တိုက်ကြီးတစ်တိုက်ကို ညွှန်ပြပါဆိုလျှင် မန္တလေးမြို့မှ မစိုးရိမ်ကျောင်း တိုက်ကြီးကို ညွှန်ပြရမည်ဖြစ်ပေသည်။ မစိုးရိမ်ကျောင်းတိုက်ကြီးသည် အဘယ်ကြောင့် နာမည်ကြီးသလဲဟုဆို လာလျှင် မစိုးရိမ်ကျောင်းတိုက်ကြီးသည် မြန်မာပြည်တွင် စာသင်သားသံဃာအများဆုံးဖြစ်သည်။ စာသင်နည်း စနစ်ကောင်းသည်။ အထူးအားဖြင့် အစိုးရဓမ္မာစရိယ၊ သကျသီဟ၊ စေတီယင်္ဂဏစာမေးပွဲများနှင့် ပတ်သက် သော စာဝါများကို ပို့ချရာတွင် အလွန်နာမည်ကြီးသည်။ ထို့ကြောင့် မစိုးရိမ်ကျောင်းတိုက်ကြီးသည်ကား မြန်မာ ပြည်တွင် အလွန်နာမည် ကြီးလှပေသည်။ ယခုအခါ ထိုစာသင်တိုက်ကြီးကို အုပ်ချုပ်နေသော ဆရာတော်ကြီး သည်ကား ဆရာတော်ကြီးဦး ရာဇဓမ္မာဘိဝံသပင်ဖြစ်ပေသည်။ ဆရာတော်ကြီးသည် စာချအလွန်ကောင်းသည်။ စကားပြောပြတ်သည်။ စကားပြောကောင်းသည်။ ဤနေရာ၌ ဆရာတော်ကြီး၏ ပြောင်မြောက်လှသော မှတ် သားလောက်သော သြ၀ါဒကို ဖေါ်ပြပေအံ့။တစ်နှစ်က မစိုးရိမ်တိုက်မှ စာသင်သားများသည်
“ဆရာတော်ဘုရား တပည့်ရဲ့ဆရာသမားပျံ့လွန်တော်မူသွားတဲ့အတွက်ကြောင့် တပည့်တော်ကို ရွာပြန်ခွင့်ပြု တော်မူပါဘုရား၊ ဒုတိယ စာသင်သားတစ်ပါးကလဲဆရာတော်ဘုရား တပည့်တော်ရဲ့ အမေကွယ်လွန်သွားပါ သဖြင့် တပည့်တော်ကို ရွာပြန်ခွင့်ပြုတော်မူပါဘုရား၊ တတိယစာသင်သားတစ်ပါးကလဲ ဆရာတော်ဘုရား တပည့်တော်ရဲ့ အဖေကွယ်လွန်သွားပါသဖြင့် ရွာပြန်ခွင့်ပြုတော်မူပါဘုရား” စသည်ဖြင့် အကြောင်းအမျိုးမျိုးပြပြီး ရွာပြန်ခွင့်ကို လျှောက်ကြလေသည်။တစ်ပါးလည်းမဟုတ် နှစ်ပါးလည်းမက စသည်ဖြင့် အလွန်အင်မတန်မှ များပြားလှပေသည်။ အချို့လည်း အမှန်ပင် မိဘကျန်းမာရေးကောင်းသဖြင့်လည်းကောင်း မိဘများကွယ်လွန် သွားသဖြင့်လည်းကောင်း ပြန်ခွင့်ကို ရရန် ဆရာတော်ထံမှ လျှောက်ထားကြလေသည်။ အချို့လည်း လူငယ်တို့ အလျှောက် ဟိုဟိုဒီဒီ ခရီးသွားလိုသောအခါ အကြောင်းအမျိုးမျိုးပြကာ လိမ်လည်လျှောက်ထားကြလေသည်။ စာသင်သားများစွာကို အုပ်ချုပ်လာသော ဆရာတော်ဦးရာဇသည်ကား အချို့တပည့်များ လိမ်လည်လျှောက် ထားကြသည်ကို သိရှိလာလေသည်။ တပည့်များထံမှ အတွေ့အကြုံများလည်း တော်တော်ပင် ရရှိလာပြီးဖြစ် လေသည်။ တပည့်များ၏ အလိမ်ခံရပေါင်းလည်း များလာပြီ ဖြစ်လေသည်။
ထို့ကြောင့် တစ်နှစ်သောကျောင်းပိတ်ချိန်ဝယ် အောက်ပါအတိုင်း ပြတ်ပြတ်သားသား မှတ်သားဖွယ်ရာသြ၀ါဒကို ပေးတော်မူလေတော့သည်။
“အေး မင်းတို့စာသင်သားတွေ စာဝါဖွင့်ပြီဆိုလျှင် စာဝါမတက်ချင်တာနဲ့ အဖေသေလို့ ရွာပြန်ခွင့်ပြုပါအုံးဘုရား၊ အမေသေလို့ ရွာပြန်ခွင့်ပြုပါအုံးဘုရား၊ ဆရာသမားပျန်လွန်တော်မူလို့ ရွာပြန်ခွင့်ပြုပါအုံးဘုရားနဲ့ လာလျှောက် ကြတယ်၊အချို့လဲ တကယ်အမေ အဖေသေလို့ လာလျှောက်ကြတာတွေပါတယ်၊ တချို့လဲ စာဝါလိုက်ရမှာ ပျင်း တာနဲ့ ငါဆီလာပြီး သေသွားပြီးဖြစ်တဲ့ အဖေသေလို့ သေသွားပြီးဖြစ်တဲ့ အမေသေလို့ပါဘုရားဟု ညာလျှောက်ပြီး တောသွားတောင်သွား သွားကြတယ်၊ အေး ဒီနှစ် စါဝါဖွင့်လို့ကတော့ လာမလျှောက်နဲ့ တစ်ပါးမှ ပြန်မလွှတ်ဘူး သာမှတ်၊ မင်းတို့ အမေ+အဖေ+ဆရာသမားတွေကို ရွာပြန်တာနဲ့ တစ်ခါတည်းပြောခဲ့၊ “အမေတို့ အဖေတို့ရယ် သေမယ်ဆိုရင်လဲ ဦးဇင်းတို့ စာဝါမဖွင့်မီ ကျောင်းမဖွင့်မီစောစောစီးစီးသေထားကြပါ၊ ဒီနှစ်ကျောင်းဖွင့်မှ စာဝါ ဖွင့်မှ အမေတို့ အဖေတို့သေရင် ဆရာတော်က ပြန်မလွှတ်ဘူးတဲ့၊ ဒါကြောင့်သေစရာရှိရင်လဲ စောစောသေ ထားကြပါ၊”လို့တစ်ခါတည်းပြောခဲ့ကြကွာ၊ စာဝါဖွင့်ပြီဆိုမှတော့ ဘယ်လိုအကြောင်းပြပြ ဘယ်မှ ဘယ်သူ့ကိုမှ ပြန်ခွင့်မပေးတော့ဘူး၊ အေး ကုန်အောင်ပြောလိုက်မယ်ကွာ၊ ဒို့ကျောင်းဖွင်တဲ့အချိန် စာဝါချတဲ့အချိန်ကစပြီး မင်း တို့ အမေအဖေသေတာတွေ ဘေးဖယ်ထားလိုက်အုံး၊ ဘုရားပွင့်တောင် သွားမဖူးရဘူးကွာ” ဟူသည်ပင်ဖြစ် သတည်း။

ဤနေရာ၌ အကြောင်းတိုက်ဆိုင်လာသဖြင့် အလားတူ အခြားအဖြစ်အပျက်တစ်ခုကို ဖေါ်ပြပေအံ့။
ရန်ကုန်မြို့တွင် ထင်ရှားသော စာသင်တိုက်ကြီးတစ်တိုက်ရှိလေသည်။ ထိုစာသင်တိုက်ကြီးတွင် နယ်ပေါင်းစုံမှစာ သင်သားများ ပညာသင်ကြားလျှက်ရှိကြသည်။ တစ်နေ့ မြစ်ဝကျွန်းပေါ်မှ စာသင်သားကိုယ်တော်လေး တစ်ပါးသည်
“ဆရာတော်ဘုရား တပည့်တော်အဖေဆုံးသွားလို့ ရွာပြန်ခွင့် ပြုတော်မူပါဘုရား”ဟုလျှောက်ထားရာ ဆရာ တော်က
“မောင်ပဇင်းရ မင်းအဖေက ဘာကြောင့် ဆုံးသွားတာလဲကွ”ဟု သိလိုဇောဖြင့် မေးလေသည်။ တပည့်ဖြစ်သူက
“ပင်လယ်ထဲ ငါးရှာရင် စက်လေမှောက်ပြီး ဆုံးသွားတာပါဘုရား”ဟု ဆက်လျှောက်သောအခါ
“အော် ဖြစ်မှ ဖြစ်ရလေ မောင်ပဇင်းရယ်၊ မင်းရဲ့ ဖခမည်းတော်ကလဲ တော်တော်ကံဆိုးရှာတာပဲ၊ အွန်းစိတ်မ ကောင်းစရာ၊ဒါနဲ့မင်းက ဘယ်တော့ပြန်မှာလဲ မောင်ပဇင်း၊”ဟု မေးသောအခါတွင် တပည့်ဖြစ်သူက
“တပည့်တော် ဒီနေ့ ညနေ သင်္ဘောနဲ့ ပြန်ပါမယ်ဘုရား”လျှောက်ထားလိုက်လေသည်။ ထိုအခါ ဆရာတော်သည် ကရုဏာသက်စွာဖြင့်
“ရော့ မောင်ပဇင်းရေ သင်္ဘောခပေါ့၊ သိပ်တော့မများပါဘူးကွာ”ဟု မိန့်တော်မူကာ ခရီးစရိတ်ကို စွန့်လိုက်လေ သည်။ တပည့်ဖြစ်သူသည်လည်း ဆရာတော်ကို ရိုသေစွာ ဦးချပြီးနောက် အထုတ်အပိုများပြင်ကာ ထိုနေ့ညနေ ခင်းမှာပင် သင်္ဘောဆိပ်သို့ ဆင်းသွားလေတော့သည်။ ထိုကိုယ်တော်လေးကံဆိုးချိန် ရောက်လာပြီ ထင်၏။ ကိုယ်တော်လေးက ညနေခင်းအထွက် ပင်လယ်ထဲတွင် ငါးရှာရင်း သင်္ဘောမှောက် ဆုံးပြီးဆိုသော သူ၏ ဖခည်း တော်သည်ကား သူနေသော စာသင်တိုက်ကြီးသို့ မနိုင့်တနိုင့် အထုပ်အပိုးကြီးများထမ်းကာ ရောက်လာလေ တော့သည်။ထိုဒကာကြီးသည် ပင်ပက်ဆိုသလို သူ၏ သားဦးဇင်း၏ ဆရာသမားနဲ့ ဆိုက်ဆိုက်မြိုက်မြိုက် သွားဆုံ လေရာ
“ဆရာတော်ဘုရား၊ တပည့်တော်က မြစ်ဝကျွန် ဘယ်မြို့ ဘယ်ရွာကပါဘုရား၊ တပည့်တော်ရဲ့ ဦးဇင်းကို တွေ့ချင် လို့ပါဘုရား၊တပည့်တော်က သူရဲ့ ဖခင်ပါဘုရား”ဟု လုံးစိ ပတ်စီ လျှောက်ထားလိုက်ရာ
“ဟာ ဒီကောင် ကျုပ်ကို ညာသွားတာပဲ၊ တပည့်တော်ရဲ့ အဖေ ငါးရှာရင် ပင်လယ်ထဲ ရေနစ်ဆုံးသွားလို့ပါ ဘုရားလို့ ညာလျှောက်သွားတယ်၊ ကျုပ်က လမ်းစရိတ်တောင် စွန့်လိုက်သေးတယ် ဒကာကြီးရာ၊အွန်း ဒီကောင် မညာသင့်တာ ညာတယ်၊ ညာစရာ ရှားလို့ မသေတဲ့ အဖေကို သေအောင်ပြောလျှောက်တယ်၊ အွန်းလာမှ
ဆုံးမလိုက်အုံးမယ်၊”ဟုစိတ်ဆိုးစွာဖြင့် မ်ိန့်ကြားလေတော့သည်။ ထိုအခါ ဒါယကာကြီးသည်လည်း
“ဟာ ဒီသားပဇင်း တခြားညာစရာရှားလို့၊ ကိုယ့်အဖေကိုများ ပင်လယ်ထဲ ငါးရှာရင် သင်္ဘောမှောက်ပြီး ဆုံးတယ် ပြောတယ်၊နမိတ်မရှိ နမာမရှိ၊ရွာရောက်မှ တွေ့သေးတာပေါ့” ဟု ထိုပဇင်းငယ်၏ ဖခမည်းတော်သည်လည်း ကျောင်းသို့ မတည်းနိုင်တော့မူ၍ ဆရာတော်ကို ဦးချ နှုတ်ဆက်စကားဆိုကာ သားဖြစ်သူ မောင်ပဇင်းနောက် လိုက်သွားလေတော့သတည်း။ ထိုကိုယ်တော်လေးသည်လည်း ထိုအချိန်မှစကာ စာသင်တိုက်ကြီးဆီသို့ ပြန်မ လားတော့ချေ။ အကြောင်းကိုလည်း ရှာမတွေ့ချေ။

“အမှိုက်တွေတော့ ရှင်းသွားပြီ ခွေးချီးတွေပဲ ကျန်တော့တယ်”

မုံရွာမြို့တွင် ဇောတိကအမည်ရှိ စာသင်တိုက်ကြီးတစ်တိုက်ရှိလေသည်။ ထိုစာသင်တိုက်ကြီးသည် အလွန်အင်မ တန်မှ နာမည်ကြီးသည်။ ဘာကြောင့်နာမည်ကြီးသလဲ အကြောင်းကို ရှာရသော် ထိုတိုက်ကြီးကို အုပ်ချုပ်တော် မူသော ဆရာတော် ကြီးသည်ကား ပရိယတ်အရည်အသွေးပြည့်ဝသည်။ စာချကောင်းတော်မူသည်။ ကိုယ်ကျင့် သီလနှင့် ပြည့်စုံတော်မူသည်။ အုပ်ချုပ်မှုလည်း အလွန်ကောင်းသည်။ ဆရာတော်ကြီးသည် တပည့်တစ်ပါးစည်း ကမ်းဖောက်ဖျက်သည်ကိုပက်ပင်းတွေ့ပါက အကြွေးမထား ချက်ချင်းဆုံးမတော်မူသည်။ ဘက်မလိုက် မှန်ကန်စွာ ဆုံးမလေ့ရှိသည့်အတွက် တပည့်ရဟန်းသံဃာတော်များက ဆရာတော်ကြီးကို ချစ်ကြောက်ရိုသေကြသည်။ ထိုဆရာတော်ကြီးသည်ကား စာပေနှင့် စည်းကမ်းပိုင်းသာမက စကားပြောလည်းအလွန်အင်မတန်မှကောင်း ကြောင်းနာမည်ကြီးသည်။တစ်နေ့ ဆရာတော်ကြီး၏ တပည့်အချို့တို့သည်
“ဆရာတော်ဘုရား တပည့်တော်တို့ကို ဇာတိရပ်ရွာသို့ မိဘများကို တွေ့ရန် ခေတ္တခဏ ပြန်ခွင့်ပြုတော်မူပါ ဘုရား”ဟုလျှောက်ကြလေသည်။ ထိုအခါ စကားပြောကောင်းသော ဆရာတော်ကြီးက
“အေး အေး ပြန်ကြပေါ့ကွာ၊ မင်းတို့တတွေ ရွာပြန်တော့ ငါ့ကျောင်းအတွင်း အမှိုက်တွေရှင်းသွားတာပေါ့ကွာ”ဟု
မိန့်ကြားလိုက်လေသည်။ ထို့သို့ ဆရာတော်ဘုရားကြီးက တသက်တာ မှတ်သားလောက်သော သြ၀ါဒပေး သည်ကို ဘေးတွင် ထိုင်ကာ နားထောင်နေကြသော ရွာမပြန်ကြသော တပည့်အချို့က
“အွန်း ဆရာတော်ကြီးက ရွာပြန်တဲ့ ကိုယ်တော်တွေတော့ အမှိုက်တွေနဲ့ နှိုင်းပြီး ပြောနေပြီ၊ ဒို့တတွေတော့ တော်သေးတယ်၊ ရွာမပြန်လို့ပေါ့၊ ရွာပြန်ရင် အမှိုက်ထဲ အထည့်ခံနေရအုံးမယ်၊ ခုတော့ ဒို့တတွေ ကောင်းတဲ့ စာ ရင်းပါသွားတာပေါ့”ဟု တီးတို တီးတိုး ပြောကာ ပျော်နေကြလေ၏။ သို့သော် ထိုကိုယ်တော်လေးများ၏ ပျော်ရွှင် မှုသည် သိပ်မကြာလိုက်ပါ။ ဆရာတော်ကြီး မိန့်ကြားတော်မူလိုက်သော စကားကြောင့် ရုပ်ချည်းပျောက်ကွယ်
သွားရလေသည်။ အဘယ်ကြောင့် ဆိုရသော်ကား ဆရာတော်ကြီးက
“အွန်း ကျောင်းမှာ ခွေးချီးတွေဘဲ ကျန်တော့တယ်”ဟု မိန့်ကြားလိုက်သောကြောင့်ပေတည်း။
မိမိသည် ထိုဆရာတော်ကြီး၏ စကားကို သဘောကျသဖြင့် တသက်တာ မှတ်သားထားလေသည်။ ထိုစကား ကိုတော့ တစ်တစ်နေရာရာ အသုံးချလိုက်အုံးမည်ဟု ကြံစည်ထားလေသည်။
စင်္ကာပူ၏ တစ်နေ့သော နေ့၏ နေ့လည်ခင်းတွင်ပင်ဖြစ်သည်။ မိမိသည် အလွန်ပင်ပန်းသဖြင့် အနားယူလို စိတ်ဖြစ်ပေါ်ပြင်းပြစွာ ဖြစ်ပေါ်ခဲ့သည်။ သို့သော် အနားမယူနိုင်ခဲ့ပါ။ ဘေးမှ ရန်ကုန်မှ ကြွလာသော ဆရာတော် သုံးပါးသည် စင်္ကာပူမြို့ထဲကြွရန် စကားပြောရင်း သူတို့၏ ဒကာကို စောင့်နေသောကြောင့်ပေတည်း။ မကြာ လိုက်ပါ။ မျှော်နေသော ဒါယကာရောက်လာသည့်အတွက် ထိုဆရာတော်များက
“ဦးဇ၀နရေ တပည့်တော်တို့ မြို့ထဲသွားလည်လိုက်အုံးမယ်လေ၊ အရှင်ဘုရား အေးအေးဆေးဆေး အနားယူ လို့ရတာပေါ့”ဟု ပြောသောအခါ မိမိက
“ကောင်းပါတယ် ဆရာတော်တို့ရယ်၊ တပည့်တော်လဲ ကောင်းကောင်း အနားယူလို့ ရတာပေါ့၊ နေအုံး၊ ဒီနေရာ စပ်မိလို့ ဆရာတော်ကြီးဦးဇောတိကက သူ၏ တပည့်များကို မိန့်တဲ့ သြ၀ါဒလေးပြောရအုံးမယ်”ဆိုကာ မိမိသည် ဆရာတော်ကြီး၏ အထက်ပါမိန့်ကြားချက်ကို ဖောက်သည်ချလိုက်လေသည်။ ထိုအခါ ဆရာတော်တို့သည် အလွန်ပင် ရယ်ကြလေသည်။ ထို့နောက် မိမိက ဆက်လက်ကာ ပြောလိုက်သည်ကား
“ခုလဲ ကိုယ်တော်တို့ သွားတော့ အမှိုက်တွေရှင်းသွားတာပေါ့ဘုရား”ဟု ပြောလိုက်ရာ ထိုဆရာတော်သုံးပါး တို့သည် တဟားဟားရယ်ကြလေသည်။ ဘေးက ကိုယ်တော်လေးများကလဲ
“ဟုတ်တယ် ဟုတ်တယ်”ဟု ထောက်ခံကာ ရယ်ကြလေသည်။ သို့သော် မိမိတို့အဖွဲ့သည် ရယ်လို့မှ မပြီးဆုံးသေး ပါ အပြင်ကြွမည့် ကိုယ်တော်များထဲမှ ကိုယ်တော်တစ်ပါးက
“တပည့်တော်တို့အမှိုက်တွေလဲ အပြင်သွားတော့မယ်၊ ခွေးချည်းတွေလဲ ကောင်းကောင်းနေခဲ့ကြ”ဟု ပြောကာ ကြွသွားကြလေတော့သည်။ ထိုအခါမှ ပိုမိုပွဲကျကာ အခန်းတစ်ခန်းလုံး ရယ်ရွှင်မှုတို့ဖြင့် ဖုံးလွှမ်းသွားလေ၏။ အဆုံးမတော့ “ဟုတ်မလားဟူ၍ ဆရာတော်ကြီး၏ စကားကို အသုံးချကြည့်လိုက်သည်။ သို့သော် အကယ်စင်စစ် ခွေးချည်းဖြစ်ကျန်ခဲ့သည်ကား မိမိတို့အဖွဲ့ပင်ဖြစ်သည်။ ထို့ကြောင့် ပညာရှင်များမိန့်ဆိုကြသည်။ အခြားသူကို လက်ညှိုထိုးပြောလျှင် ကျန်သုံးချောင်းသည်ကား မိမိကို ပြန်လည်ထိုးနေကြောင်း၊ လေညာကို ပစ်လိုက်သော ဖုံမှုန့်သည်ကား မိမိဆီသို့ ပြန်လည်ရောက်
ရှိလာကြောင်း၊ ယခုလည်း မိမိသည် ဟုတ်မည်အထင်ဖြင့် ပြောလိုက်သော စကားသည် မိမိဆီသို့ ပြန်လည် ရောက်ရှိလာ၏။
“အော် သတိထားစရာပါတကား”