တစ်ခါက ဒကာကြီးတစ်ယောက်သည် လှည်းဖြင့် ခရီးထွက်လာခဲ့သည်။ ခရီးကလဲဝေး အသက်ကလဲ ကြီးလေတော့ ထိုဒကာကြီးသည် တော်တော်ပင်ပန်းလာသည်။ သူ့ခမျာ ရေလဲ တော်တော်ဆာ လာသည်။ လမ်းတွင် သောက်ရေကို ရှာသည်။ ထိုသို့ရှာစဉ် သူသည် လူငယ်တစ်ယောက်ကို သွားတွေ့လေ သည်။ ထိုအခါ ဒကာကြီးသည်
"ငါ့တူရယ် ဦးကြီး ရေဆာလာလို့ ရေလေးတစ်ခွက်လောက်များ သောက်လို့ရမလား "ဟူ၍ ခွင့်တောင်းလေသည်။ ထိုအခါ ထိုလူငယ်သည်"ရပါတယ် ဦးကြီးရယ်"ဟုဆိုကာ စေတနာ သဒ္ဓါတရား ထက်ထက်သန်သန်နှင့် ထိုဒကာကြီးကို ရေတိုက်လိုက်လေသည်။ ရေသောက်ပြီးနောက် ဒကာကြီးသည် အောက်ပါအတိုင်း ဆုပေးလေသည်။
"ငါ့တူကြီး ရေလှူရတဲ့ ကောင်းမှု့ကြောင့် ရေအကျိုးဆယ်ပါးနဲ့ပြည့်ပါစေဗျာ" ဟူ၍ ဆုပေးလေသည်။ ထိုအခါ ရေအကျိုးဆယ်ပါးကို သိလိုသော လူငယ်သည်
"ဦးလေးကြီး ရေအကျိုးဆယ်ပါးဆိုတာ ဘာတွေလဲ ကျနော့ ကို ရေတွက်ပြပါအုံး"ဟူ၍ မေးလေသည်။
ထိုစဉ် ဒကာကြီးသည်
"ငါ့တူရေ နောက်မှဘဲ ရေအကျိုးဆယ်ပါးကို ရှင်းပြတော့မယ်၊ နွားက မနေလို့ ကွဲ့၊ သွားခွင့်ပြုပါအုံး"ဟူ၍ ပြောဆိုကာ လစ်ထွက်သွားလေတော့သတည်း။
0 comments:
Post a Comment