“ဂွေးကြီးကိုးတောင်ပြည့်ဆရာတော်”

ကလေးမြို့နယ်အတွင်း ဂွေးကြီးဟုအမည်ရသော ရွာတွင် ဆရာတော်တစ်ပါးကျောင်းထိုင်တော်မူလေသည်။ ဂွေး ကြီးရွာ၌ ကျောင်းထိုင်တော်မူသည့်အတွက် ထိုဆရာတော်ကို “ဂွေးကြီးဆရာတော်”ဟု ခေါ်ဆိုကြလေသည်။ အလှူပွဲများရှိတိုင်း ထိုဆရာတော်သည်ကား တောရွာ များ၏ ဓလေ့ထုံးစံအတိုင်း ဆွမ်းလောင်းပွဲ အလှူပွဲများရှိတိုင်း သံဃာတော်များကို
“ချမ်းမြသာစည်ကျောင်းဆရာတော်ကြွတော်မူပါဘုရား၊အောင်မင်္ဂလာကျောင်းဆရာတော်ကြွတော်မူပါဘုရား”စသည်ဖြင့် အသံ ချဲ့စက်ဖြင့် အော်ကာ ပင့်လေ့ရှိကြသည်။ ဂွေးကြီးဆရာတော်အလှည့်ရောက်သောအခါ
“ဂွေးကြီးဆရာတော်ကြွတော်မူပါဘုရား”ဟု ဒါယကာများက အသံချဲ့စက်ဖြင့် အသံကုန်အော်ကာ ပင့်လျှောက် လေသည်။ ထိုဆရာတော်ကို ပင့်သောအခါတိုင်း အဘယ်ကြောင့်ရယ်မသိ၊ ကြွလာကြသော သံဃာတော်များ၊ ဒါယကာ ဒါယိကာမများက တဟာဟားရယ်ကြလေသည်။ ထိုအဖြစ်ကို သဘောပေါက်သော ဆရာတော်သည်
“အွန်းဒီနာမည်ကြီးတဲ့တော့ ငါဟာ ကြွလေရာ နေရာတိုင်း ရယ်စ၇ာဖြစ်နေပြီ၊ အရှက်တကွဲ အကျိုးနည်းဖြစ်နေပြီ၊ ဒီရွာနာမည်တော့ ပြောင်းမှဖြစ်မည်” ဟု အကြံပေါ်ပေါက်လာလေသည်။ သို့ဖြစ်သဖြင့် ဆရာတော်သည် ရွာထိပ် တွင် ကိုးတောင်ပြည့်ဘုရား လေးတစ်ဆူတည်ကာ
“ဂွေးကြီးရွာနာမည်မှ ကိုးတောင်ပြည့်ရွာအဖြစ်သို့ ပြောင်းလဲလိုက်ပါပြီ၊ ဒီနေ့မှ စ၍ ကိုးတောင်ပြည့်ရွာဟူ၍ ခေါ်ရ မည်”ဟု ရွာသူ ရွာသားများရှေ့တွင်ပင် မိန့်တော်မူလိုက်လေသည်။ ဆရာတော်သည် ထိုအကြောင်းကို ရွာ အနီးချုပ်စပ်မှ ဂေါစရဂါမ်သံဃာတော်များ၊ ဒါယကာ+ဒါယိကာမများသို့လည်း အကြောင်းကြားလိုက်လေသည်။
တစ်နေ့ ကိုးတောင်ပြည့်ရွာကျောင်းဆရာတော်သည် ရွာတစ်ရွာသို့ ဆွမ်းလောင်းပွဲကြွသွားလေသည်။ ဆွမ်း လောင်းပွဲစတင်ချိန်တွင် ထိုရွာမှ ဒါယကာများက အသံချဲ့စက်ဖြင့်
“ဆရာတော်ဘုရားများဘုရား! ခုချိန်မှစ၍ ဆွမ်းလောင်းလှူတော့မည်ဖြစ်ပါသဖြင့် သင်္ကန်းများ သပ္ပါယ်တော်မူ ကြပါရန် ရိုသေစွာ လျှောက်ထားအပ်ပါသည်ဘုရား” လျှောက်လေသည်။ မကြာလိုက်ပါ သံဃာတော်များကို စတင်ပင့်ပါပြီ၊
“ချမ်းမြသာစည်ကျောင်းဆရာတော် စာရေးတန်မဲနှင့် လှူဖွယ်ပစ္စည်းဝတ္ထုအလှူခံရန် ကြွတော်မူပါဘုရား” ဆရာ တော်ကြွသွားပါပြီ၊ မကြာလိုက်ပါ ဒါယကာတစ်ဦးက
“ချမ်းမြသာစည်ကျောင်းဆရာတော်ခြေသုတ်ခုံပါဘုရား”ဟု ပေါက်မဲကို ကြေငြာပေးသွားသည်။ ဆက်ကာ “အောင်မင်္ဂလာကျောင်းဆရာတော်ကြွတော်မူပါဘုရား”ဟု ပင့်လေသည်။ ပေါက်မဲအော်သံကြားလိုက်ရပါပြီ။ “အောင်မင်္ဂလာကျောင်းဆရာတော် တံမြက်စည်းပါဘုရား”ထို့နောက်
“ဂွေးကြီး+ကိုးတောင်ပြည့်ဆရာတော်ကြွတော်မူပါဘုရား”ဟု ဒါယကာက မိုက်ဖြင့် အသံကုန်ဟစ်ကာ ပင့်လိုက် လေသည်။ ထိုအခါ ဆရာတော်က
“ဟာ ဒီဒကာတွေ ဂွေးကြီးပျောက်အောင်လို့၊ ကိုးတောင်ပြည့်လို့နာမည်ပြောင်းထားတာကို ဒီဂွေးကြီးကို ထည့််ဖြစ်အောင် ထည့်လိုက်သေးတယ်၊ အော် တော်တော်အရှက်ရအောင်လုပ်တဲ့ ဒကာတွေပဲ”ဟု မြည်တွန်တောက် တီးလေသည်။ ထိုအခါ ကြွလာသော သံဃာတော်များနှင့်တကွ အနီးရှိ ဒါယကာ+ ဒါယိကာမအပေါင်းတို့သည် တခစ်ခစ်ကြလေသည်။ ထို့နောက် ကိုးတောင်ပြည့်ဂွေးကြီးဆရာတော်သည် မဲဆက်လက်နှိုက်တော်မူလေ သည်။ဆရာတော်၏ မဲလိပ်ကို ဒါယကာတစ်ဦးက ဖွင့်လိုက်သည်။ ထို့နောက် မိုက်ကိုင်သော ဒါယကာ တစ်ဦးကို လှမ်းပေးလိုက်သည်။ မိုက်ကိုင်သော ဒါယကာက
“ဂွေးကြီးကိုးတောင်ပြည့်ဆရာတော်နှာဘူးပါဘုရား”ဟု ကြေငြာလိုက်ရာ ပရိသတ်မှာ ၀ါးကနဲရယ်ကြလေတော့ သည်။ထိုအခါ ဆရာတော်မိန့်တော်မူလိုက်သည်ကား
“ငါလခွီးမပဲ မင်းတို့ရွာက ဒကာတော်တွေက ငါ့ကို ပရိသတ်ကြားထဲ သက်သက်အရှက်ကွဲအောင် လုပ်တာလား ကွ၊ ဘယ်တော့မှ မင်းတို့၇ွာကို မကြွတော့ဘူးကွ”မိန့်တော်မူကာ ခပ်သုတ်သုတ်လစ် ထွက်သွား လေတော့သ တည်း။
မှတ်ချက် ဂွေးကြီး+ကိုးတောင်ပြည့်ဆရာတော်၏ ပေါက်မဲသည်ကား နှာရှုဗူဖြစ်သည်။ နှာရှုဗူးကို ပြောလို ဇောဖြင့် နှာဘူးဟု ပြောချလိုက်ရာ “ဂွေးကြီးကိုးတောင်ပြည့်ဆရာတော်နှာဘူး”ဖြစ်သွားလေတော့သည်။
“အော် တိုက်လဲ တိုက်ဆိုင်တတ်ပါပေ့”