Pages

Monday, November 22, 2010

“ခေါင်းဖြတ် လောင်းလိုက်”

တစ်ခါက မြို့တစ်မြို့၏ စာသင်တိုက်တစ်တိုက်တွင် ကိုရင်ပုညအမည်ရှိ စာသင်သားတစ်ပါးရှိလေသည်။ ကိုရင် ပုညသည် ည(၁၂)နာရီထိုးသည်အထိ စာကျက်ထားသောကြောင့် အတော်နေမြင့်မှ အိပ်ရာကနိုးသည်ခဲ့လေ သည်။ ထို့နောက် သွားတိုက်၊မျက်နှာသစ်ပြီး ရေးကြီးသုတ်ပြာနှင့် သင်္ကန်းမြန်မြန်ရုံကာ ဆွမ်းခံကြွသွားလေသည်။ ဆွမ်းခံအိမ် ငါးအိမ်ခန့်မျှ ကြွပြီးဖြစ်သော်လည်း ဆွမ်းဟင်းကား တစ်ခွက်သာ ရသေးသည်။ ထိုရထားသော ဆွမ်း ဟင်းသည်လည်း မက်လောက်သော ဆွမ်းဟင်းတော့မဟုတ်ချေ၊ ထို့နောက် ကိုရင်ပုညသည် ခြောက်အိမ် မြောက် အိမ်သို့ဝင်လိုက်ပါပြီ။ အိမ်ရှင်ဒါယကာမကြီးသည်ကား အ၀တ်လျှော်နေသဖြင့် ကိုရင်ပုညကြွလာသည် ကို မမြင်လိုက်ချေ။ အိမ်အတွင်းရှိ ဒါယကာမကြီး၏ သမီးဖြစ်သူက မြင်လိုက်သဖြင့်
သမီး
“အမေ ကိုရင်ဆွမ်းခံကြွလာတယ်”
အမေ
“အေး ငါအ၀တ်လျှော်နေတယ်၊ မအားသေးဘူး၊ ကြောင်အိမ်ထဲမှာ ငါးကြော်ရှိတယ်၊ ယူလောင်းလိုက်”
ထိုဒါယကာမကြီး၏ ငါးကြော်လောင်းလိုက်ဟု ပြောသံကို ကြားရသောအခါ ကိုရင်ပုညသည် စိတ်အတွင်းမှ ကြိတ် ကာပီတိဖြစ်နေတော့သည်။ ဘုဉ်းပေးလိုက်စိတ် တစ်ဖွားဖွားဖြစ်သဖြင့် မိမိတံတွေးများကိုပင် ပြန်လည်မျိုချလိုက် ရသည်။
သမီး
“အမေ ငါးကြော်က တစ်ကောင်တည်းရှိတာ တစ်ကောင်လုံးလောင်းလိုက်ရမှာလား”
ထိုအခါ မိခင်ဖြစ်သူ ပြန်လည်ပြောလိုက်သော စကားကြောင့် ကိုရင်ပုညအကြီးအကျယ် စိတ်ဓာတ်ကျသွားလေ တော့သည်။ မိခင်ဖြစ်သူ ပြောလိုက်သော စကားသည်ကား
“ဟဲ့ ငါးကြော်ကို အကောင်လိုက် လောင်းရအောင် အဲဒီကိုရင်က နင့်လင်များမှတ်လို့လား၊ ခေါင်းဖြတ်လောက် လိုက်”ဟူ၍ပင်ဖြစ်သတည်း။
မှတ်ချက်= ဤပုံပြင်သည် မန္တလေးတိုင်း ပုသိမ်ကြီးမြို့နယ် ရန်ကင်းတောင်ခြေ ဥယျာဉ်စာသင်တိုင်၏ နှစ်(၂၀) ပုံရိပ် မဂ္ဂဇင်းမှ ပြန်လည် ထုတ်နှုတ်ရေးသား ဖေါ်ပြလိုက်ရပေသည်။

1 comments:

Crystal said...

ဆွမ်းခံထွက်ရတာလည်း မလွယ်ပါလားနော်။

Post a Comment

 

Go Up အပေါ်သို့