Pages

Thursday, July 8, 2010

”ရက်ရက်စက်စက် ပေးလိုက်ကြပါပေ့”

တစ်ခါက အညာအထက်ပိုင်းမှ လူဓမ္မကထိကတစ်ဦးသည် မိုးကုတ်ရိပ်သာများသို့ တရားဟောပြောနေလေ သည်။ အသံကောင်းသည်က တစ်ကြောင်း၊ အာဝဇ္ဇန်းရွှင်သည်ကတစ်ကြောင်း သူတစ်ခါဟောပြီးလျှင် နောက် တစ်ကြိမ်မရ ရအောင်ပင့်ကြလေသည်။ အထူးအားဖြင့် မော်လမြိုင်မိုးကုတ်ရိပ်သာ၊ မုဒုံ၊ သံဖြူဇရပ်စသော မြို့များတွင်အလွန်အင်မတန်မှ နာမည်ကြီးလှပေ၏။
ထို့မှတစ်ဆင့် တစ်နှစ်တွင် သထုံမြို့ မိုးကုတ်၇ိပ်သာတွင် တရားဟောရာ သထုံမြို့မှ ရွှေဆိုင်ပိုင်ရှင် သူဌေးမိသား စုတို့က သဘောကျသွားကား သထုံမြို့တွင် ထိုတရားဟောဆရာကြီးကို ရဟန်းခံပေးလိုက်ကာ မိုးကုတ်ရိပ်သာကြီးကို ဆောက်လုပ်လှူဒါန်းလေ၏။ ထိုအချိန်မှစကာ လူဓမ္မကထိက ဆရာတော်ကြီးသည် ဦးဇင်းကြီးအဖြစ်သို့ ရောက်ရှိသွားလေ၏။ ဦးဇင်းကြီးသည် သထုံရောက်စတွင် ညဘက်ပျင်းပျင်းရှိလျှင် သူ၏ ရဟန်းဒါယကာအိမ်သို့ အလည်ကြွရောက်လေ့ရှိသည်။ ရဟန်းဒါယကာအိမ်သည်ကား ညဘက်တွင် လူစု လူဝေး နှင့်အလွန်ပင် ပျော်စရာကောင်းလှပေ၏။ ညအခါ သူတို့သည် စကားပြောရင်း ဗွီဒီယိုဇာတ်ကားများကို ကြည့်လေ့ ရှိကြသည်။ ဦးဇင်းကြီးရောက်သောအခါ
“မင်းတို့ဇာတ်ကားတွေကလဲ ဘာကားတွေမှန်းလဲမသိဘူး၊ ငါတော့မကြည့်တတ်ပါဘူးကွာ”ဟု အမြဲတမ်းငြီး နေသဖြင့် ရဟန်းဒါယကာသည် အားနာတတ်သူဖြစ်သည်အားလျှော်စွာ
“အရှင်ဘုရားက ဘာကားကြိုက်တတ်တာလဲဘုရား”ဟု မေးလျှောက်သောအခါ ဦးဇင်းကြီးက
“ငါက ခွေးလိမ္မာကားကိုမှ ကြည့်တတ်တာ ဒကာရ”ဟု မိန့်တော်မူသဖြင့် ခွေးလိမ္မာကားကိုသာ ရှာပြီး ပြပေးရှာ လေသည်။ သို့သော် တစ်ရက်မဟုတ် နှစ်ရက်မဟုတ် အမြဲတမ်းပင် ရဟန်းဒါယကာက
“အရှင်ဘုရား ဘာဇာတ်ကားပြပေးရမလဲ” မေးတိုင်း
“ငါကတော့ ခွေးလိမ္မာဇာတ်ကားပဲ ကြိုက်တာ ဒကာရ”ဟု ဆိုလေသောကြောင့် အနီးရှိ ရဟန်းဒါယကာ၏ မိတ်ဆွေ၊ တပည့်ကျော်များက ဦးဇင်းကြီးကို ရက်ရက်စက်စက် အမည်ပေးလိုက်သည်ကား
“ခွေးကိုယ်တော်”ဟူ၍ပင် ဖြစ်လေသတည်း။

1 comments:

Crystal said...

ဘုန်းဘုန်း တပည့်တော် စာဖတ် အမြဲရောက်ပါတယ်ဘုရား။ ထိုင်းမှာ စီဘုံးတွေ မမြင်ရဖြစ်နေလို့ စီဘုံးမှာ စာရေး မရ ဖြစ်နေလို့ပါဘုရား။

Post a Comment

 

Go Up အပေါ်သို့