"ဒါဆို ရွာက ပညာတတ်နှစ်ယောက်ထွက်ပြီပေါ့ဘုရား"

အကျွန်ုပ် အိန္ဒိယမှာ ဒေါက်တာဘွဲ့ဆက်လက်ပြုလုပ်ရန်အတွက် ပြင်ဆင်နေစဉ် ရွာမှ ဒါယကာမကြီး ဒေါ်ခင်ကြည်က ဘုံဘေမှာ အမျိုးတွေရှိကြောင်း၊ ထိုအမျိုးများ၏ အကူအညီရရန် ရန်ကုန်မှ သူ့အကိုကြီးဆီကို ၀င်စေလိုကြောင်းတိုက်တွန်းလာသည်။ မိမိရဲ့ မယ်တော် ခမည်းတော် ဆရာသမားများကလဲ ထိုဒကာကြီးဟာ ရန်ကုန်မှာ ပညာတတ်ကြီးတစ်ယောက်ဖြစ်၍ ၀င်ရောက်တွေ့ဆုံရန်တိုက်တွန်းလာသည်၊ သို့ဖြစ်၍ မိမိကလဲ ၀င်လိုက်ပါမည်ဟု ၀န်ခံကတိပေးခဲ့ပါသည်၊ ထိုဒကာကြီးသည် မိမိ၏ ခမည်းတော် မယ်တော်များနှင့် ငယ်စဉ်က သူငယ်ချင်းများဖြစ်ကြသည်၊ ထိုဒကာကြီးက ကံကောင်းတော့ ရန်ကုန်မြို့မှာ ပညာတတ်ကြီးတစ်ယောက်ဖြစ်၍ နေသည်၊ မိမိ၏ မယ်တော် ခမည်းတော်များကတော့ ပုံမှန်အတိုင်း လယ်သမားများဘ၀က မလွတ် မြောက်ကြသေးပါ၊ ဒီလိုနှင့် အကျွန်ုပ်သည် ရန်ကုန်ရှိ ထိုဒကာကြီးအား သွားရောက်တွေ့ဆုံလေသည်၊ ထိုဒကာကြီးသည် အမှန်ပင် ပညာတတ်ကြီးပေတည်း၊ မဂ္ဂဇင်းများမှာ အင်္ဂလိပ်လိုဆောင်းပါးများရေးသည်၊ ဘုန်းကြီးကျောင်းတိုက်များသွား၍ အခမဲ့ အင်္ဂလိပ်စာ သင်တန်းများပို့ချပေးသည်၊တစ်အိမ်သားလုံး အင်္ဂလိပ်လို ပြောကြသည်၊ မိမိရောက်သွားသောအခါ တစ်အိမ်သားလုံး လှိုက်လှိုက်လှဲလှဲ ကြိုဆိုကြပါသည်၊ သူတို့လဲ ရွာမရောက်သည်မှာ ကြာပြီဖြစ်၍ ရွာ၏အကြောင်းများကို မေးကြမြန်းကြပေါ့၊ ထိုရွာအကြောင်းတွေ မေးပြီးနောက် ဒကာကြီးမေးလိုက်သည်က
"အရှင်ဘုရား ဓမ္မာစရိယဘွဲ့ ရပြီးပြီလား" တဲ့ မိမိကလဲ
"'ဒကာကြီး ဦးဇင်းက အစိုးရဓမ္မာစရိယဘွဲ့တော့ မရသေးပါ၊ သို့သော် ဦးဇင်း သာသနတက္ကသိုလ်က တက္ကသီလဓမ္မာစရိယ(B.A)ဘွဲ့နဲ့ သီရိလင်္ကာက M.A. ဘွဲ့တော့ ရပြီးပါပြီ" ဟု ဖြေကြားလိုက်ပါသည်။
ထိုအခါ ဒကာကြီးပြောလိုက်သော စကားက
"'ဒါဆိုရင် ရွာက အရှင်ဘုရားရယ် တပည့်တော်ရယ် ပညာတတ်နှစ်ယောက်ထွက်ပြီပေါ့ဘုရား "တဲ့ မိမိကို ပညာတတ်ယောက်အဖြစ် အသိအမှတ်ပြုလိုက်သော ထိုဒကာကြီးအား စိတ်အတွင်းမှ ကြိတ်၍ ကျေးဇူးတင်နေမိတော့သည်။ သို့သော် မိမိ ကောက်ချက်ချလိုက်မိသည်က
"အော် ဒကာကြီးလဲ လိပ်မျိုးဘဲ၊ သူဘက်သူတော့ ရက်တတ်သားဘဲ" ဟူ၍ပင်ဖြစ်လေတော့သတည်း။