“အလင်းတန်းနှင့် အခါနှစ်ဆယ်”

အကျွန်ုပ်တို့ သာသနတက္ကသိုလ်၌ နောက်ဆုံးနှစ် စာသင်သားရဟန်းတော်များသည် မဖြစ်မနေ (၁၅) ရက် တရားထိုင်ကြရသည်၊ နေ့စဉ် စိန်ပန်းမဟာစည်ရိပ်သာမှ ဆရာတော်ဦးပညာဝံသသည် စာသင်သားရဟန်းများ၏ ဥာဏ်စဉ်များ တိုးတက်မှု ရှိ မရှိ လာရောက်စစ်ဆေးလေ့ရှိသည်၊ တစ်နေ့ ဆရာတော်သည် ရဟန်းများအား သူတို့၏ တရားအားထုတ်မှု အဘယ်မျှလောက် တိုးတက်နေပြီလဲ ဆိုသည်ကို သိလိုသောကြောင့်တစ်ပါးစီ စစ်ဆေး မေးမြန်းလေသည်၊ ကိုယ်တော်လေးတစ်ပါးအလှည့်ရောက်သော အခါ ဆရာတော်သည်
“အရှင်ဘုရား! အရှင်ဘုရားတရားအားထုတ်တဲ့အခါ ဘာတွေမြင်ပါသလဲဘုရား” လို့ မေးလေသည်၊ ထိုအခါ စာသင်သားရဟန်းကလေးက
“မှန်လှပါဆရာတော်ဘုရား, တပည့်တော်တရားအားထုတ်နေစဉ် အလွန်အင်မတန်မှ လင်းလက်သော အလင်းတန်ကြီးတွေကို တပည့်ရဲ့ မျက်စိဖြင့် တိုက်ရိုက်တွေ့လိုက်ရပါတယ်ဘုရား” ဟု အားရ၀မ်းသာ ဖြေကြားလိုက်လေသည်၊ ထိုအခါ ဆရာတော်သည်
“ဆက်ကြိုးစားပါ ဦးပဇင်း၊ ဒါဟာ သမာဓိအားကောင်းလာလို့ အလင်းတန်းတွေ ပေါ်လာတာ၊ ဒါပေမယ့် ဦးပဇင်း ဒါတွေကို သွားပြီး မသာယာလိုက်နဲ့ ၊ဒါတွေဟာ ၀ိပဿနာညစ်ညူးကြောင်းတွေ၊ ဖောင်းပိန်ကို ဆက်မှတ်ပါ၊ ဖြစ်ပေါ်လာတဲ့ အရာကို သတိကပ်ပြီးရှုပေးပါ၊ အရှင်ဘုရားမကြာခင်မှာပဲ ဥာဏ်စဉ်တွေတက်လာပါလိမ့်မယ်၊” ဟု အားကြိုးမာန်တက် မိန့်သွားရှာသည်၊ အမှန်စင်စစ် ထိုကိုယ်တော်လေး၏ မျက်စိများအတွင်းမှ အလင်းတန်များထွက်လာခြင်း၏ အကြောင်းကို ရှာရသော် ကြီးကြပ်ရေး ဆရာတော်များသည် အိပ်ငိုက်နေသောသူအား ဓာတ်မီးများဖြင့် ၀ိုင်းဝန်းထိုးလိုက်သောကြောင့်ပေတည်း။
ထိုနောက်ဆရာတော်သည် နောက်တစ်ပါးအား ဆက်လက်မေးမြန်းလေသည်၊
“အရှင်ဘုရား တရားထိုင်လျှင် တစ်နာရီအတွင်း ဘယ်နှစ်ကြိမ်လောက် ဣရိယာပုထ်ကို ပြောင်းပါသလဲ” တဲ့ ၊ ထိုကိုယ်တော်လေးက
“တပည့်တော် တစ်နာရီမှာ အကြိမ် (၂၀)ဆယ်လောက်ပြောင်းရပါတယ်ဘုရား”တဲ့ ထိုအခါ ဆရာတော်က
“အရှင်ဘုရား တော်တော်သဒ္ဓါတရားကောင်းတာပဲ၊ မဂ်ဖိုလ်နိဗ္ဗာန်နဲ့တော့ တော်တော်လေနီးစပ်ပါပေတယ်”ဟု ဆရာတော်က ချီးကျူးသွားလေသည်၊
(ဤစာမျက်နှာ၏ အဆုံးတွင် older post နှိပ်ပါ၊ ပုံပြင်များကို ဆက်တွေ့ပါလိမ့်မည်၊)