“အင်္ဂလိပ် စာသင်ခန်းအတွင်းမှ ဟာသများ”

မိမိတို့၏ သာသနတက္ကသိုလ်မှ အဖြစ်ပျက်ကလေးတစ်ခုဖြစ်ပါသည်၊ သာသနတက္ကသိုလ်၌ ဘာသာ(ရ)ရပ်ပြဌာန်းထားသည်၊ ထိုအထဲတွင် အင်္ဂလိပ်စာဘာသာလည်းပါဝင်လေသည်၊ တစ်နေ့ အင်္ဂလိပ်စာပြသော ဆရာတော်သည် အသံထွက်များပြောင်းလဲသွားပုံကို ရှင်းပြလေသည်၊ ထိုအထဲတွင် ဆရာတော်သည် (T)၏ အသံထွက်ပြောင်းသွားပုံကို အောက်ပါအတိုင်း အာဘောင်အာရင်း သံသံနှင့် ရှင်းပြလေသည်၊
“အရှင်ဘုရားတို့ အင်္ဂလိပ်စာက မိမစစ် ဖမစစ်ဘာသာ ဆိုတော့ အသံထွက်က မတည်ငြိမ်ဘူးဘုရား၊ အမြဲတမ်းပြောင်းလဲနေတယ်၊ ဥပမာ (T) ကိုပြောကြပါစို့ဘုရား၊ T ကို အရင်က (တီ) ဟူ၍ အသံထွက်တယ်၊ ယခုပြောင်းသွားပြီ ဘုရား၊ ယခု T ကို (ထီ) လို့အသံထွက်ပါတယ်ဘုရား၊”ဟု ဆရာတော်က အားကြိုးမာန်တက်ရှင်းပြနေလေသည်၊
ထိုအခါ အင်္ဂလိပ်စာကို လုံးဝမသင်ဖူးသေးသော စာသင်သားရဟန်းတစ်ပါးက
“ဆရာတော်ဘုရား, အကယ်၍ (T) ကို (ထီ)လို့ အသံပြောင်းထွက်ရမယ်ဆိုလျှင် “တက်တိုးအဘိဓာန်”ကို “ထက်ထိုး အဘိဓာန်” လို့ အသံပြောင်းထွက်ရမှာလားဘုရား”ဟု မေးလျှောက်သောအခါ ဆရာတော်က “အဲဒီလိုလဲ တရားသေ မမှတ်နဲ့လေ၊ ဒီက အင်္ဂလိပ်စာကို ပြောနေတာ၊ မြန်မာစာကို ပြောနေတာမဟုတ်ဘူးလေ”ဟူ၍ ဖြေသွားလေသည်၊ ထို့နောက် ဆရာတော်သည် အသံထွက်အသစ်နှင့် ပတ်သက်၍ အောက်ပါအတိုင်းဆက်လက် သင်ကြားလေသည်၊
“ နောက်ပုံစံတစ်ခု သွားကြအုံးစို့၊ ဥပမာ Table ကို ဆိုကြပါစို့ဘုရား၊ ယခင် Table ကို (တေးဘယ်) လို့ အသံထွက်ပါတယ်၊ အေး ယခု ပြောင်းသွားပြီဘုရား၊ အသံထွက်အသစ်က (ထေးဘား)တဲ့ဘုရား ဟူ၍ သင်ကြားပေနေလေသည်၊ ထိုအခါ ကိုယ်တော်တစ်ပါးက
“ဘုန်းကြီးဘုရား, (ဌေးပေါ) လို့ကော အသံထွက်လို့ မရဘူးလားဘုရား၊” ဟူ၍ ထမေးလေသည်၊ ထိုအခါ ဆရာတော်က
“စာသင်နေတာ မနောက်နဲ့ မနောက်နဲ့၊” ဟူ၍ မိန့်ကြားလေသည်။ ကိုထေပေါဟူသည်ကား သာသနတက္ကသိုလ်၌ ဓာတ်ဆီ ဒီဇယ်ဆီများကို ပေးဝေရာတွင် ဦးစီးဦးကိုင် လုပ်ဆောင်နေသော အရာရှိတစ်ယောက်ပင်ဖြစ်လေသတည်း။
နောက် အင်္ဂလိပ်စာဆရာတော်တစ်ပါးသည်ကား အင်္ဂလိပ်စာသင်ကြားမှုနှင့် ပတ်သက်လို့ အောက်ပါအတိုင်းရှင်းပြသွားလေသည်၊
“အရှင်းဘုရားများ, အင်္ဂလိပ်စာသင်ရာမှာတော့ ကျောက်မီးသွေးရထားလို သဘောထားပြီး သင်ရပါမယ်ဘုရား၊ ကျောက်မီးသွေးရထားကြီးဟာ မမြန်ပါဘူး၊ တအိအိနဲ့ခုတ်မောင်းနေတာပါဘဲ ၊ 'ဟုတ် ဟုတ် မဟုတ်ဟုတ်၊ ဟုတ်ဟုတ် မဟုတ်ဟုတ်' ဆိုပြီး အသံထွက်ပြီး ခုတ်မောင်းလာလိုက်တာ နောက်ဆုံးတော့ အဲဒီရထားကြီး ဘူတာကို ဆိုက်သွားတာပါဘဲ၊ အေး အရှင်ဘုရားတို့ အင်္ဂလိပ်စာလေ့လာရာမှာလဲ ကျောက်မီးသွေးရထားကြီးလိုပါဘဲ “ဟုတ်ဟုတ် မဟုတ်ဟုတ် ဟုတ်ဟုတ် မဟုတ်ဟုတ်” လေ့လာကြပါ၊ ကြိုးစားကြပါ၊ တစ်ချိန်ချိန်မှာတော့ ကျောက်မီးသွေးရထားကြီးဟာ ဘူတာကြီးကို ဆိုက်သွားသလို အရှင်ဘုရားတို့လဲ အလိုရှိတဲ့ ပန်းတိုင်ကို ရောက်သွားကြမှာပါဘဲ၊” တဲ့