"အကျွန်ုပ်နှင့် အကျွန်ုပ်ဘကြီး"

အကျွန်ုပ်မှာ ဘကြီးနှစ်ယောက်ရှိသည်၊ ဘကြီးတစ်ယာက်သည် အသက် (၈၁) နှစ်ဖြစ်သည်၊ သူကတော့ ချမ်းသာတယ်၊ ပြီးတော့ ဘုန်းကြီးလူထွက်ဖြစ်သည်၊ ဘကြီးအငယ်ကတော့ အသက် (၇၀) ခန့်ဖြစ်သည်၊ သူကတော့ ဆင်းရဲတယ်၊ တစ်နေ့ ဘကြီး အငယ်ဖြစ်သူသည် ကံဆိုးချင်တော့ သွေးတိုးရောဂါဖြင့် ဆုံးသွားရှာသည်၊ ဘကြီးအငယ်ဆုံးသောအချိန်၌ အကျွန်ုပ်သည် ရန်ကုန်မြို့တွင် ၀ါဆိုလေသည်၊ အကျွန်ုပ်သည် ဦးလေးဖြစ်သူ လာပင့်သဖြင့် ဘကြီးငယ်၏ အသုဘပွဲသို့ ကြွရောက်ခဲ့ရလေသည်၊ ရွာကို ရောက်လျှင် ရောက်ချင်းဘဲ အဒေါ်ဖြစ်သူက သူရဲ့ ငိုချင်းထဲကို အကျွန်ုပ်ပါဆွဲထည့်နေသဖြင့် မိမိသည်ပင်လျှင် ငိုချင်စိတ်များ ပေါက်လာလေသည်၊ ကြာလျှင်မိမိပါ ငိုရတော့မည့် အခြေအနေသို့ ဆိုက်ရောက်လာသဖြင့် ကျောင်းသို့ ခပ်သုတ်သုတ်ကလေးပြန်ကြွခဲ့ရသည်၊ ဖခင်ရဲ့အလောင်းက သုဿန်မရောက်သေး ကျန်ရစ်သူ သားသမီးများက အမွေကိစ္စဖြင့် တစ်ယောက်နှင့် တစ်ယောက်စကားမပြောနိုင် မဆိုနိုင်ဖြစ်နေကြသည်၊ ဒီကိစ္စအဆင်ပြေရေး ဆွေမျိုးအချို့က မိမိအား ချဉ်းကပ်လာပါတော့သည်၊ သူတို့က မိမိအား အကြံပေးလာသည်မှာ
"ဦးဇင်းရေ ရက်လယ်တဲ့နေ့ တရားဟောရင်း ဦးဇင်းရဲ့ဦးလေး အဒေါ်တွေကို ဆုံးမလိုက်ပါအုံး၊"တဲ့ မိမိလည်း မိမိအား အားကိုးတကြီး လာရောက်ပြောလာကြသော ဆွေမျိုးများအား မပူပါနဲ့ ဆုံးမလိုက်ပါ့မယ်ပေါ့၊
ဒီလိုနဲ့ ဘကြီးဖြစ်သူ၏ ရက်လည်သောနေ့ ရောက်ရှိလာပြီးဖြစ်သည်၊ မိမိလည်း ဦးလေး ဒေါ်လေးတို့အား တရားဟောရင်း အနည်းငယ် ဆုံးမခဲ့ပြီးဖြစ်သည်၊ မိမိတရားပောာပြီး ကျောင်းသို့ မပြန်မကြွသေးဘဲ ရေနွေးသောက်၇င်း ဒကာ ဒကာမများနှင့် စကားပြောနေလေသည်၊ ထိုအချိန်မှာ ရပ်ရွာလူကြီးတွေက
"ဦးဇင်းကတော့ သူ့ရဲ့ ဦးလေး အဒေါ်တွေကို ဆုံးမပြီးပြီ၊ ဦးတင်ညွန့်! ခင်ဗျားကလဲ ခင်ဗျားရဲ့ တူတွေ တူမတွေကို ဆုံးမလိုက်အုံးလေ၊ သေသွားတဲ့ ခင်ဗျားရဲ့ ညီကိုယ်စားပေါ့၊" တဲ့ ထိုအခါ မိမိ၏ ဘကြီးဖြစ်သူ ပြောလိုက်သော စကားက မိမိ၇င်ဘတ်ကို တစ်ပိဿာလောက်ရှိသော အလေးဖြင့် ပစ်သကဲ့သို့ ခံစားလိုက်ရပါ တော့သည်၊ ဘကြီးပြောလိုက်သည်က

"ငါကတော့ သေသွားတဲ့ ငါ့ညီကိုယ်စား တူတွေ တူမတွေကို ဆုံးမသြ၀ါဒလေးပေးချင်တာပေါ့ကွ၊ သို့သော် ဦးဇင်းက ရှိနေတော့ နွားရှေ့ထွန်းကျူသလို ဖြစ်နေမှာပေါ့ကွ" ထိုအချိန်မှာ တရားနာပရိသတ်သည် “ဘိုးတင်ညွန့်ကတော့ လုပ်ချလိုက်ပြန်ပြီ”၊ ဆိုပြီး ၀ိုင်း၇ယ်ကြသည်၊ နွားအဖြစ် အနှိုင်းခံလိုက်ရသော အကျွန်ုပ်သည် အဘယ်မှာလျှင် ရယ်နိုင်ပါ့မလဲ၊ ဒါနဲ့ မိမိလည်း အရှက်ပြေ
"ဘကြီးရေ ခင်ဗျား ပုံနှိုင်းကောင်းတာနဲ့ ကျုပ်နွားလုံးလုံးဖြစ်ရပြီ"ဟု အရှက်ပြေပြောပြီး
ခပ်သုတ်သုတ် ကျောင်းသို့ ပြန်ကြွခဲ့ရလေသည်၊ တွေ့မှ တွေ့ရ ကြုံမှ ကြုံရ မောင်ဇ၀နဘ၀ပါလားနော်ဟု ညည်းချင်းသာထုတ်မိပါတော့သည်၊
အကျွန်ုပ်မှာ ထိုဘကြီးနှင့် စပ်၍ ပြောစရာတွေရှိသေးသည်၊ တစ်နေ့သော ဥပုသ်နေ့တွင် အကျွန်ုပ်တရားဟောသည်၊ တရားဟောရာတွင် ၇န်သူမျိုးငါးပါးအကြောင်းပါနေသဖြင့် မိမိက
"ဒကာကြီး ဒကာမကြီးတို့ ၇န်သူမျိုးငါးပါးဆိုတာ ရေ, မီး, မင်း,"ဆိုပြီး သုံးပါးသာ ရေတွက်ရသေးသည်၊ ဘကြီးဖြစ်သူက
"မချစ်မနှစ်သက်သော သားဆိုး သမီးဆိုး, ခိုးသူ ဆိုပြီး မိမိရှေ့ကနေ ရေတွက်ပြနေတော့သည်၊ ဤတွင် ဦးသာကျော်ဆိုသော ဒကာကြီးက" ဦးတင်ညွန့် ခင်ဗျားက တရားဟောမှာလဲ၊ ဦးဇင်းကဟောမှာလား" ဆိုပြီး ထမေးလိုက်သည်၊ ထိုအခါ ဘကြီးဖြစ်သူက
"ငါ့ ဦးဇင်း မေ့နေမှာ စိုးလို့ စေတနာနဲ့ ရှေ့ကပြောပေးနေတာကွ" တဲ့ ဒါကြောင့်လဲ စကားပုံပေါ်လာတာဖြစ်လိမ့်မယ်၊ "ရွာနားကမြက် ရွာနွားမစား၊ ရွာဘုရား ရွာသားမကိုးကွယ်" တဲ့။
ထိုဘကြီးနှင့် စပ်၍ ပြောပြစရာတွေ၇ှိသေးသည်၊ ဆက်ရန်